સુપ્રીમ કોર્ટમાં આજે ખૂબ જ વિચિત્ર સ્થિતિ ઉદ્ભવી હતી, ખંડપીઠના બંને જજ હિમાચલ પ્રદેશ હાઇકોર્ટના જજના ચુકાદા લખવાની શૈલીને લઈને અસંતુષ્ટ અને નારાજ જોવા મળ્યા હતા.
ચુકાદાને લઈને જજે કહ્યું, વાંચ્યા પછી મારે બામ લગાડવું પડ્યું
સેન્ટ્રલ ગવર્ન્મેન્ટલ ઇન્ડસ્ટ્રીયલ ટ્રિબ્યુનલને લાગતા એક કેસમાં હિમાચલ હાઇકોર્ટના એક નિર્ણય પર સુપ્રીમ કોર્ટની ખંડપીઠે કહ્યું હતું કે ચુકાદાને એક લાંબા સમય સુધી વાંચ્યા પછી પણ કઈં પણ સમજમાં નહોતું આવ્યું, કે આખરે કોર્ટ કહેવા શું માંગે છે? સુપ્રીમ કોર્ટના જજ ચંદ્રચૂડે હિન્દીમાં કહ્યું હતું કે આખરે આ જજમેંટમાં શું લખાણું છે ! હું આ ચુકાદાને ૧૦.૧૦થી વાંચવા બેઠો હતો અને ૧૦.૫૫ સુધી વાંચતો રહ્યો, હે ભગવાન આ સ્થિતિ અકલ્પનીય છે!
સુપ્રીમના જસ્ટિસે કહ્યું, મને કઈં પણ સમજમાં ન આવ્યું
આ ચુકાદા પર એક બેન્ચના એક બીજા જજ એમઆર શાહે કહ્યું હતું કે મને તો કઈં પણ સમજમાં જ ન આવ્યું. આટલા લાંબા લાંબા વાક્યો છે કે કઈં પણ સમજમાં નથી આવી રહ્યું કે શરૂઆતમાં શું કહેવા માંગે છે અને લાસ્ટમાં શું લખ્યું છે? એક કોમા જોવા મળ્યું તો પણ બહુ વિચિત્ર રીતે લગાવવામાં આવ્યું હતું. આ નિર્ણય વાંચ્યા પછી તો મને પોતાના જ્ઞાન અને સમજદારી પર પણ શંકા થવા લાગી છે. મને ચુકાદાના અંતે માથા પર ટાઈગર બામ લગાડવાની જરૂર પડી.
આ મામલે જસ્ટિસ ચંદ્રચૂડે કહ્યું હતું કે ચુકાદા એવા હોવા જોઈએ કે સરળ હોય અને સામાન્ય માણસની સમજમાં પણ આવી જાય, જસ્ટિસ કૃષ્ણ અય્યરના નિર્ણય એવા જ હતા, પરંતુ હિમાચલ પ્રદેશના નવેમ્બર ૨૦૨૦માં આપવામાં આવેલા આ ૧૮ પેજના ચુકાદામાં કોઈ નિર્ણાયક પક્ષ સ્પષ્ટ નથી થતું.
સુપ્રીમ કોર્ટે દર્શાવી નારાજગી
જો કે આ કેસ કેન્દ્ર સરકારના એક કર્મચારીની અરજી પર આધારિત હતો, જેમાં હાઇકોર્ટે CGITના એક આદેશ પર મંજૂરીની મહોર મારી હતી, જે એક કર્મચારીને દોષી માનીને દંડ આપવામાં આવ્યો હતો, આ નિર્ણય કર્મચારીને મંજૂર નહોતો, એટલે આ કર્મચારી સુપ્રીમ કોર્ટ પહોંચ્યો હતો.