સૂચના / આરોપીઓની લોકઅપ અને રિમાન્ડ રૂમમાં સૌથી પહેલા આ કામ કરવામાં આવે: સુપ્રીમ કોર્ટ

સુપ્રીમ કોર્ટે કહ્યું કે CBI, NIA, ED, NCB, DRI (ડિરેક્ટરેટ ઓફ રેવન્યુ ઇન્ટેલિજન્સ) અને SFIO (સિરિયસ ફ્રોડ ઇન્વેસ્ટિગેશન ઓફિસ) જેવી સંસ્થાઓએ તેમના આરોપીઓની લોકઅપ ચેમ્બર અને રિમાન્ડ રૂમમાં CCTV અને ઓડિયો રેકોર્ડર નાખવી દેવા પડશે. 

આટલી જગ્યાઓ કેમેરાની નજરમાં રાખવી પડશે

1. પોલીસ સ્ટેશનના પ્રવેશ અને એક્ઝિટના દરવાજે
2. લોકઅપમાં
3. કોરીડોરમાં 
4. લોબીમાં 
5. રિસેપ્શન એરિયામાં
6. PI અને PSIના રૂમમાં 
7. સ્ટેશનની બહાર 
8. વોશરૂમની બહાર 

18 મહિના સુધી આ રેકોર્ડિંગ રાખવા પડશે

વર્ષ 2018 માં સુપ્રીમ કોર્ટે વધતા જતા કસ્ટોડિયલ હિંસાના કેસમાં કાર્યવાહી કરવા દેશના દરેક પોલીસ સ્ટેશનમાં સીસીટીવી કેમેરા લગાવવાનો નિર્દેશ આપ્યો હતો. પંજાબમાં પોલીસની હિંસાની ઘટના બાદ આ મામલો ફરીથી ચર્ચાનો વિષય બન્યો હતો જે અંગે સુપ્રીમ કોર્ટે આ ચુકાદો આપ્યો હતો.

અગાઉના આપેલા આદેશોનું અઢી વર્ષ સુધી કોઈ પાલન થયું નહીં: સુપ્રીમ કોર્ટનો ઠપકો 

સુપ્રીમ કોર્ટે કહ્યું કે આ ચુકાદો બંધારણની કલમ 21માં આપેલ મૌલિક અધિકારો આધારિત છે. સુપ્રીમ કોર્ટે ઝાટકણી કાઢતા કહ્યું કે અગાઉના આપેલા આદેશોનું અઢી વર્ષ સુધી કોઈ પાલન થયું નહીં. આ CCTVની ફૂટેજ માટે બે પેનલો બનાવવામાં આવશે જેમાંથી એક જીલ્લા સ્તરની અને એક રાજ્ય સ્તરની હશે.