નિર્ણય / સુપ્રીમ કોર્ટનો મોટો નિર્ણય, તપાસ દરમિયાન પોલીસ અચલ સંપત્તિ જપ્ત ન કરી શકે

• સુપ્રીમ કોર્ટેનું મંગળવારે મોટુ નિવેદન
• સુપ્રીમ કોર્ટે કહ્યું-પોલીસ કોઇપણ પ્રકારની અચલ સંપત્તિને જપ્ત ન કરી શકે
• ત્રણ જજોની બેન્ચે સહમતિથી આ ચૂકાદો સંભળાવ્યો

ચીફ જસ્ટિસ રંજન ગોગોઇ, ન્યાયમૂર્તિ દીપક ગુપ્તા અને ન્યાય મૂર્તિ સંજીવ ખન્નાની પીઠે બોમ્બે હાઇકોર્ટના નિર્ણય યથાવત રાખતા કહ્યું કે સીઆરપીસી (CRPC) ની જોગવાઇ 102 અનુસાર તપાસ દરમિયાન ગેરકાનૂની સંપત્તિઓને જપ્ત કરવાનો પોલીસને અધિકાર નથી. 

સુપ્રીમ કોર્ટે મંગળવારે એક મોટુ નિવેદન આપ્યું છે. સુપ્રીમ કોર્ટે કહ્યું કે ક્રિમિનલ કેસની તપાસ દરમિયાન પોલીસ કોઇપણ પ્રકારની અચલ સંપત્તિને જપ્ત ન કરી શકે. પરંતુ ચલ સંપત્તિને ફ્રીઝ કરવા પર કોઇ રોક નથી. CRPCની જોગવાઇ 102ને લઇને ત્રણ જજોની બેન્ચે સહમતિથી આ ચૂકાદો સંભળાવ્યો. 

મહારાષ્ટ્ર્ સરકારે સુપ્રીમ કોર્ટમાં પડકાર્યો હતો ચૂકાદો

મામલો તપાસ દરમિયાન પોલીસ દ્વારા સંપત્તિ જપ્ત કરવાને લઇને ક્રિમિનલ પ્રોસિઝર કોડ એટલે કે CRPCની સેક્શન 102 સંબંધિત છે. બોમ્બે હાઇકોર્ટની બેન્ચે બહુમતીના નિર્ણયમાં સ્વીકાર્યું કે તપાસ દરમિયાન પોલીસ પાસે સંપત્તિ જપ્ત કરવાની કોઇ શક્તિ નથી. 

Supreme Court in its judgement today said that police cannot have the power to seize immovable properties of an accused during the course of the investigation. pic.twitter.com/46gTeHLF6y

— ANI (@ANI) September 24, 2019

મહારાષ્ટ્ર સરકારે હાઇકોર્ટના નિર્ણયને એમ કહેતા સુપ્રીમ કોર્ટમાં પડકાર્યો હતો કે, પોલીસ બેન્ક ખાતાઓ ફ્રીઝ કરી શકે છે. એ જ પ્રકારે પોલીસ ગૂના સાથે સંબંધિત સંપત્તિ પણ જપ્ત કરી શકે છે. પરંતુ સુનાવણી દરમિયાન સુપ્રીમ કોર્ટ રાજ્યની આ દલીલોથી સહમત નહોતી. તેમનું માનવું છે કે તેથી પોલીસ દ્વારા પોતાની શક્તિનો દુરુપયોગ થઇ શકે છે.