દિલ્હી / દેશમાં બધા માટે એક કાયદો ! ગુજરાત-ઉત્તરાખંડની યુનિફોર્મ સિવિલ કોડ પેનલને સુપ્રીમની લીલીઝંડી

UCCની તરફેણમાં સુપ્રિમ કોર્ટનો મોટો નિર્ણય
ગુજરાત અને ઉત્તરાખંડમાં UCC માટે કોર્ટનો સપોર્ટ
અરજદારોની અરજી ફગાવી આપ્યો નિર્ણય

ઉત્તરાખંડ અને ગુજરાતમાં સમાન નાગરિક સંહિતા લાગૂ કરવા માટે સરકાર દ્વારા બનાવવામાં આવેલ પેનલનાં વિરોધમાં આવેલ અરજીને આજે મોટો ઝટકો લાગ્યો છે. સુપ્રીમ કોર્ટે સમાન નાગરિક સંહિતા લાગૂ કરવા પર સરકારોની પેનલની સામે કરવામાં આવેલ અરજીઓ ફગાવી દીધી છે. 

Supreme Court Dismisses PIL Challenging States Forming Committees For Implementing Uniform Civil Code #SupremeCourtOfIndia @padmaaa_shr https://t.co/TgFBV9oVuH

— Live Law (@LiveLawIndia) January 9, 2023

રાજ્યોની પાસે આવું કરવાની શક્તિ-SC
ઉત્તરાખંડ અને ગુજરાતમાં સમાન નાગરિક સંહિતાનો વિરોધ કરતી અરજીઓને સુપ્રિમ કોર્ટે આજે ફગાવી દીધેલ છે. અરજી ફગાવતાં SCએ કહ્યું કે રાજ્ય સરકારો પાસે આ કરવાની શક્તિ છે. મુખ્ય ન્યાયાધીશ ચંદ્રચૂડ અને ન્યાયમૂર્તિ પીએસ નરસિમ્હાની પીઠે અરજીને ફગાવતાં કહ્યું કે સમાન નાગરિક સંહિતા લાગૂ કરવા માટે કમિટીનું ગઠન કરવું કોઈ ખોટી બાબત નથી. કોર્ટે કહ્યું કે UCCને લાગૂ કરવાથી પહેલાં તેના તમામ પાસાંઓ પર ધ્યાનપૂર્વક વિચાર કરવા માટે તેનું ગઠન કરવામાં આવ્યું છે.

અરજી વિચાર કરવા યોગ્ય જ નથી-SC
સુપ્રિમ કોર્ટે કહ્યું કે અનૂપ બરનવાલ અને અન્ય દ્વારા દાખલ કરવામાં આવેલ અરજી વિચારવાલાયક જ નથી. કોર્ટે કહ્યું કે રાજ્યો માટે બંધારણનાં 162માં ફકરાનાં અંતર્ગત સમિતિઓનું ગઠન કરવામાં કંઈ ખોટું નથી.

ભાજપની મોટી જીત 
ગુજરાત અને ઉત્તરાખંડ વિધાનસભા ચૂંટણીમાં UCCને મોટો મુદો બનાવનાર ભાજપ હંમેશા તેને દેશભરમાં લાગૂ પાડવાની વાત કરે છે. આ બંને રાજ્યોમાં  Uniform Civil Code લાગૂ કરવાનાં એલાન બાદ સરકારી પેનલ બનાવવાનાં નિર્ણયનાં વિરૂદ્ધની અરજી ખારિજ થવું પણ ભાજપ માટે એક મોટી જીત છે.