સુપ્રીમ કોર્ટની કોલેજીયમે દેશમાં એકસાથે આઠ હાઈકોર્ટના ચીફ જસ્ટિસની નિમણુંકને મંજૂરી આપી દીધી છે. આ પ્રથમ વખત થયુ છે જ્યારે કોલેજીયમે એકસાથે આટલા ચીફ જસ્ટિસની નિમણુંકને મંજૂરી આપી દીધી છે. આ સિવાય કોલેજીયમે લગભગ બે ડઝન હાઈકોર્ટના જજોની બદલીને મંજૂરી આપી દીધી છે.
સુપ્રીમ કોર્ટે આઠ હાઈકોર્ટના ચીફ જસ્ટીસની નિમણુંકને આપી મંજૂરી
લગભગ બે ડઝન હાઈકોર્ટના જજોની બદલીને આપી મંજૂરી
અગાઉ સુપ્રીમ કોર્ટના નવ જજોને અપાવ્યાં હતા શપથ
જજોની અછતથી ઝઝૂમી રહ્યું છે હાઈકોર્ટ
મહત્વનું છે કે, દેશના ઘણાં હાઈકોર્ટ જજોની અછતથી ઝઝૂમી રહ્યાં છે. અલાહાબાદ હાઈકોર્ટમાં સ્વીકૃત 160 જજોની સરખામણીએ હવે ફક્ત 93 જજો દ્વારા કામ થઇ રહ્યું છે. દેશભરમાં હાઈકોર્ટમાં જજની જગ્યા ભરવા માટે સુપ્રીમ કોર્ટની કોલેજીયમે કેન્દ્ર સરકારના 16 સહિત 12 હાઈકોર્ટ માટે 68 જજોની નિમણુંક કરવા માટે નામ મોકલ્યા હતા. અગાઉ અલાહાબાદ, રાજસ્થાન અને કલકત્તા સહિત આ બધી 12 હાઈકોર્ટમાં ખાલી જગ્યાઓને કારણે મોટી સંખ્યામાં પડતર કેસોની મુશ્કેલી દૂર થઇ જશે.
સુપ્રીમ કોર્ટના નવ જજોને અપાવ્યાં હતા શપથ
આ અગાઉ સુપ્રીમ કોર્ટમાં પણ એકસાથે નવ જજોની નિમણુંક કરવામાં આવી હતી. આ પ્રથમ વખત તક હતી જ્યારે એકસાથે આટલી મોટી નિમણુંક થયા બાદ શપથ ગ્રહણ સમારોહનું આયોજન થયુ હતુ. નવ નવા જસ્ટિસમાં ત્રણ મહિલા જસ્ટિસ સામેલ હતી. ઉલ્લેખનીય છે કે, સુપ્રીમ કોર્ટમાં સીજેઆઈ રમણ સહિત જજોની સંખ્યા વધીને 33 થઇ છે, જ્યારે સ્વીકૃત સંખ્યા 34 છે.