ચૂકાદો / 'ભાડુઆતો પોતાને મકાન માલિક ન સમજે' : સુપ્રીમ કોર્ટની ટિપ્પણી

• ભાડુઆતને સુપ્રીમ કોર્ટે રાહત આપવાથી કર્યો ઈનકાર
• તમને કોઈ પણ પ્રકારની રાહત ન આપી શકાય- કોર્ટ
• ભાડુઆત ભાડાની રકમ પણ નહોતો આપતો કે દુકાન પણ ખાલી નહોતો કરતો 

 ભાડુઆતને સુપ્રીમ કોર્ટે રાહત આપવાથી કર્યો ઈનકાર

મકાન ખાલી કરવામાં આનાકાની કરી રહેલા એક ભાડુઆતને સુપ્રીમ કોર્ટે રાહત આપવાથી ઈનકાર કરતા કહ્યું કે જેમના ઘર કાચના હોય તે બીજના ઘર પર પત્થર નથી મારતા. સુપ્રીમ કોર્ટે આ નિર્ણયની સાથે એક વાર ફરી સ્પષ્ટ કરી દીધું છે કે મકાન માલિક જ મકાનનો અસલી માલિક હોય છે. ભાડુઆત ચાહે કેટલાય દિવસો મકાનમાં કેમ ન રહે તેણે એ ન ભૂલવું જોઈએ કે તે ભાડુઆત છે મકાન માલિક નહીં.

તમને કોઈ પણ પ્રકારની રાહત ન આપી શકાય- કોર્ટ

3 સભ્યોની ખંડપીઠે આ મામલાની સુનવણી કરતા કહ્યું કે ભાડુઆત દિનેશને કોઈ પણ પ્રકારની રાહત આપવામાં નહીં આવે અને તેને પરિસર ખાલી કરવાનો આદેશ આપવામાં આવે છે. આ સાથે કોર્ટે ભાડુઆત દિનેશને જલ્દીથી જલ્દી ભાડુ આપવાનો આદેશ કર્યો છે. દિનેશના વકીલ દુષ્યંત પારાશરે પીઠને કહ્યું કે તેમને ભાડુ ભરવા માટે રાહત આપવામાં આવે. જોકે કોર્ટે ઈનકાર કરી દીધો હતો. કોર્ટે કહ્યું કે જે રીતે તમે આ મામલામાં મકાન માલિકને હેરાન કર્યા છે તે બાદ તમને કોઈ પણ પ્રકારની રાહત ન આપી શકાય. આ પરિસરને ખાલી કરવું પડશે. ભાડું તાત્કાલીક ભરવું પડશે.

ભાડુઆત ભાડાની રકમ પણ નહોતો આપતો કે દુકાન પણ ખાલી નહોતો કરતો 

હકિકતમાં ભાડુઆત લગભગ 3 વર્ષથી મકાન માલિકને ભાડાની રકમ આપી નહોંતી. તેમજ દુકાન પણ ખાલી કરવાના પક્ષમાં નહોતો. આખરે દુકાન માલિકે નીચલી કોર્ટના દરવાજો ખખડાવ્યો કોર્ટે ભાડુઆતને 2 મહિનામાં દુકાન ખાલી કરવા અને ખાલી કરવા સુધીમાં દર મહિનાના 35 હજારનું ભાડુ ભરવાનો આદેશ આપ્યો હતો. જોકે દિનેશે આદેશ ન માનતા ગત જાન્યુંઆરીમાં મધ્ય પ્રદેશ હાઈકોર્ટે ભાડુઆતને લગભગ 9 લાખ રુપિયા જમાં કરાવવા માટે 4 મહિનાનો સમય માંગ્યો હતો. પરંતુ આ આદેશનું પણ પાલન ન કર્યુ. અને ભાડુઆત સુપ્રીમ કર્ટમાં પહોંચ્યો હચો. જ્યાં તેની અરજીને ફગાવી દેવામાં આવી અને દુકાન તાત્કાલીક ખાલી કરવાના આદેશ આપવામાં આવ્યા.