કોંગ્રેસ નેતા હત્યાકાંડ / ભાજપશાસિત આ રાજ્ય પર SC ભડકી, કહ્યું આ જંગલરાજ છે - નેતાની હત્યાનો આરોપી હજુ ફરાર

• દમોહમાં બહુચર્ચિત કોંગ્રેસ નેતા દેવેન્દ્ર ચોરસિયા હત્યાકાંડમાં સુપ્રીમની ટીપ્પણી
• ચોરસિયાની હત્યામાં બસપા ધારાસભ્યના પતિ ગોવિદસિંહની સંડોવણીનો આરોપ
• ગોવિંદસિંહની ધરપકડ ન થતા સુપ્રીમ ખફા 

સુપ્રીમે કહ્યું કે મધ્યપ્રદેશ સરકારે એ વાત માનવી લેવી જોઈએ કે તે બંધારણ અનુસાર રાજ્યમાં શાસન કરવા અસમર્થ છે. કોર્ટે દમોહ પોલીસ ઈન્સપેક્ટરને હટાવવાની પણ વાત જણાવી. જોકે આ સંબંધમાં કોઈ આદેશ અપાયો નથી

કોંગ્રેસ નેતાની હત્યાના આરોપીની ધરપકડ ન થતા સુપ્રીમ ખફા.

દમોહ જિલ્લાના હટામાં બહુચર્ચિત કોંગ્રેસ નેતા દેવેન્દ્ર ચોરસિયા હત્યાકાંડમાં કથિત રીતે સામેલ બસપા ધારાસભ્ય રામબાઈના પતિ ગોવિંદસિંહ ઠાકુરની હજુ સુધી ધરપકડ ન થવા દેવેન્દ્ર ચોરસિયાના પુત્રે સુપ્રીમ કોર્ટમાં અરજી કરીને આરોપીની ધરપકડની માગ કરી હતી.ચોરસિયાના પુત્રની અરજી ગ્રાહ્ય રાખીને સુપ્રીમ કોર્ટે એમપીના પોલીસ વડાને ગોવિંદસિંહની ધરપકડ સુનિશ્ચિત કરવાનો આદેશ આપ્યો છે. 

હત્યાકાંડના 2 વર્ષ પછી પણ આરોપી ધરપકડથી દૂર 

જોકે મધ્યપ્રદેશ સરકાર આરોપી ગોવિંદસિંહની ધરપકડ પર ઠાગાઠૈયા કરતી હોવાનું ધ્યાનમાં આવતા સુપ્રીમ કોર્ટ ખફા થઈ હતી અને રાજ્યમાં જંગલરાજ હોવાની આકરી ટીપ્પણી કરી હતી.સુપ્રીમની ખંડપીઠે જણાવ્યું કે હત્યાના આરોપી ધારાસભ્ય પતિની પોલીસ ધરપકડ કરી શકતી નથી. થોડા દિવસ પહેલા હટાના જજે ગોવિંદસિંહની સામે ધરપકડનું વોરન્ટ જારી કર્યું હતું. તેમણે પણ આરોપ લગાવ્યો હતો કે પોલીસ ઈન્સપેક્ટરે તેમની ધમકી આપી હતી. 

માર્ચ 2019 માં દેવેન્દ્ર ચોરસિયાની થઈ હતી હત્યા
તમને જણાવી દઈએ કે માર્ચ 2019 માં દેવેન્દ્ર ચોરસિયાની હત્યા થઈ હતી.  3 થી 4 ગાડીઓમાં સવાર થઈને આવેલા ડઝન લોકોએ ઘેરાબંધી કરીને ચોરસિયાની હત્યા કરી નાખી હતી અે આ કેસમાં દમોહના પથરિયાના બસપા ધારાસભ્ય રામબાઈના પતિ ગોવિંદ સિંહ અને તેમના દિયરનું નામ ખુલ્લું હતું. પોલીસ બે વર્ષ પછી પણ આરોપીની ધરપકડ ન કરતા સુપ્રીમ કોર્ટ ખફા થઈ હતી. હેરાનીભરી વાત તો એ છે કે ગોવિંદસિંહ વિધાનસભામાં પણ દેખાયા હતા. તેમ છતાં પણ કોઈએ પણ તેમની ધરપકડ કરવાની હિંમત દેખાડી નહોતી.