પશ્ચિમ બંગાળના અધિકારીઓની કેન્દ્ર સરકાર દ્વારા બદલીના વિરોધમાં થયેલ અરજી મામલે આજે કોર્ટમાં સુનાવણી હાથ ધરવામાં આવી હતી.
રાજ્યના IPSને કેન્દ્ર દ્વારા ડેપ્યુટેશનનો મામલો
IPSના ટ્રાન્સફરના નિયમને લઇ અરજી SCએ ફગાવી
SCએ ફગાવી અરજી
કેન્દ્ર સરકાર અને પશ્ચિમ બંગાળ સરકાર વચ્ચે પાછલા દિવસોમાં IPS અધિકારીઓની બદલીને લઈને જે વિવાદ થયો હતો તેના પર સોમવારે સુપ્રીમ કોર્ટમાં આજે સુનાવણી કરવામાં આવી હતી. અરજી કરનારે આ મામલે કેન્દ્ર પાસે વધારે અધિકાર હોવાનો મુદ્દો ઉઠાવ્યો હતો. અરજીને અદાલતે ફગાવી દીધી છે.
શું છે મામલો
નોંધનીય છે કે રાજ્યના IPSને કેન્દ્ર દ્વારા ડેપ્યુટેશન મામલે સુપ્રીમ કોર્ટમાં અરજી કરાઇ હતી. કેન્દ્ર રાજ્ય સરકારની મરજી ન હોવા છતા ડેપ્યુટેશન પર બોલાવી શકે તેવો નિયમ છે ત્યારે IPSના ટ્રાન્સફરના નિયમોને લઇ સુપ્રીમ કોર્ટમાં પશ્ચિમ બંગાળના વકીલ અબુ સોહેલે અરજી કરી છે.
શું હતી દલીલ
નોંધનીય છે કે પશ્ચિમ બંગાળના વકીલ અબુ સોહેલે સુપ્રીમ કોર્ટમાં અરજી દાખલ કરી હતી જેમાં IPS કેડર એક્ટ સામે સવાલો ઊભા કરવામાં આવ્યા હતા અને કહેવામાં આવ્યું હતું કે કેન્દ્ર પાસે રાજ્યો કરતાં વધારે શક્તિ છે. અરજી કરનારે કહ્યું કે રાજ્ય સરકારે કેન્દ્ર દ્વારા લેવાયેલા નિર્ણયનો પ્રભાવ રાજ્યો પર પડે છે એવામાં આ પ્રક્રિયા પર અદાલતે ધ્યાન આપવું જોઈએ. જોકે આ મામલે સુપ્રીમ કોર્ટે કહ્યું કે તે દાખલ નહીં કરે અને તે બાદ અરજી ફગાવી દેવામાં આવી.
બંગાળ સરકાર સાથે થયો હતો વિવાદ
નોંધનીય છે કે થોડા સમય પહેલા જ ગૃહમંત્રાલય અને પશ્ચિમ બંગાળ સરકાર સામસામે આવી ગઈ હતી. જેમાં કેન્દ્રએ ત્રણ અધિકારીઓની બદલી કરી હતી પણ બંગાળ સરકારે વાંધો વ્યક્ત કર્યો હતો જે બાદ મોટો વિવાદ ઊભો થયો હતો.