નિર્ણય / સુપ્રીમ કોર્ટનો મોટો આદેશ: હવેથી રોજની 13 બેંચ 10 ટ્રાન્સફર અને 10 જામીન અરજીઓ પર કરશે સુનાવણી

• સુપ્રીમ કોર્ટ પેન્ડીંગ કેસો જલ્દી ઉકેલવા પ્રયાસ કરશે
• 13 બેન્ચોમાં 10-10 કેસો આપીને વહેલો નિકાલ લાવશે 
• સુપ્રીમ કોર્ટમાં મળેલી ફુલ કોર્ટ બેઠકમાં નિર્ણય લેવાયો 

સુપ્રીમ કોર્ટ પેન્ડિંગ કેસોના વહેલા નિકાલ માટે ખૂબ જ ગંભીર છે. હવે સુપ્રીમ કોર્ટ પેન્ડિંગ કેસ ટ્રાન્સફર અરજીઓ અને જામીન અરજીઓના વહેલા નિકાલ અંગે દૈનિક સુનાવણી હાથ ધરશે. સુપ્રીમ કોર્ટની દરેક બેંચ હવે દરરોજ 10 ટ્રાન્સફર પિટિશન અને 10 જામીન અરજી પર કાર્યવાહી કરશે. સુપ્રીમ કોર્ટમાં મળેલી ફુલ કોર્ટ બેઠકમાં આ નિર્ણય લેવામાં આવ્યો છે. 

13 બેંચોને 10-10 કેસો સોપવામાં આવશે 
CJI જસ્ટિસ ડીવાય ચંદ્રચુડે કોર્ટમાં કહ્યું કે તમામ જજોની બેઠકમાં સર્વસંમતિથી આ નિર્ણય લેવામાં આવ્યો છે. હવે શિયાળાની રજાઓ પહેલા તમામ 13 બેન્ચ દરરોજ 10 ટ્રાન્સફર પિટિશન અને 10 જામીન અરજીઓ પર સુનાવણી કરશે. 

પુરક કેસ રાત્રે ઉમેરવામાં નહી આવે
CJI ચંદ્રચુડે કહ્યું કે ન્યાયાધીશોની વિનંતી છે કે પૂરક કેસ રાત્રે ઉમેરવામાં ન આવે. ન્યાયાધીશોએ કહ્યું કે તેઓ મધરાત 12 સુધી કેસની ફાઇલો વાંચે છે અને પછી સવારે તેમને ખબર પડે છે કે દસ નવા કેસ ઉમેરાયા છે. તેમણે કહ્યું કે અમે હવે આ બોજ ઘટાડવા માંગીએ છીએ. 

દેશમાં 4.70 કરોડ કેસ પેન્ડીંગ
તમને જણાવી દઈએ કે માર્ચમાં કેન્દ્ર સરકારે લોકસભામાં માહિતી આપી હતી કે દેશની વિવિધ અદાલતોમાં 4.70 કરોડથી વધુ કેસ પેન્ડિંગ છે. 70 થી વધુ વધુ કેસો સુપ્રીમ કોર્ટમાં પેન્ડિંગ છે અને 58 લાખથી વધુ કેસો દેશની 25 હાઈકોર્ટમાં  કેસ પેન્ડિંગ હતા.