નવી દિલ્હી / કોરોનાને કારણે સુપ્રીમ કોર્ટના ઈતિહાસમાં પ્રથમ વખત બની આ ઘટના, બદલાઈ આ રીત

• સુપ્રીમમાં કેસોની ઇ-ફાઇલિંગ કરવાનું થયું શરૂ
• ઇ-ફાઇલિંગના કારણે સમય અને ખર્ચમાં થઇ રહી છે બચત

ખરેખર, ચીફ જસ્ટિસ (CJI) એસએ બોબડેએ હાલમાં જ દેશમાં સુપ્રીમ કોર્ટમાં કેસોની ઇ-ફાઇલિંગ શરૂ કર્યું છે. જેના કારણે સુપ્રીમ કોર્ટમાં હવે રજિસ્ટ્રારમાં જૂની રીતે અરજી દાખલ નથી થઇ રહી. ખાસ કરીને જ્યારે સુનાવણી દરમિયાન જ્જોને કેસની મોટી-મોટી ફાઇલ અને દસ્તાવેજ જોવા પડે છે. 

સુનાવણી થયા બાદ સામાન્ય રીતે ન્યાયધીશ ફાઇલને ગાંઠ મારી આગળ કાસ્ટ ડેસ્ક પર ફાઇલ મોકલી આપતાં હોય છે. હવે સુપ્રીમ કોર્ટમાં ટેક્નોલોજીનો ઉપયોગ વધ્યો છે. જસ્ટીસ ડીવાઇ ચંદ્રચુડની અધ્યક્ષતામાં ઇ-કમિટિનું ગઠન કરવામાં આવ્યું હતું. આ જસ્ટિસ ડીવાઇ ચંદ્રચૂડનું સુચન છે. જેને લઇને સમય અને ખર્ચ બંનેની બચત થઇ રહી છે. 

ઉલ્લેખનીય છે કે આ અગાઉ કોરોના વાયરસની મહામારી વચ્ચે દેશમાં લાગુ કરવામાં આવેલ લોકડાઉન દરમિયાન સુપ્રીમ કોર્ટમાં વીડિયો કોન્ફરન્સ દ્વારા પણ સુનાવણી હાથ ધરવામાં આવી હતી.