પેગાસસ મામલે સુપ્રીમ કોર્ટે આવેલ અરજી પર સુનવણી દરમ્યાન ગુરુવારે મુખ્ય ન્યાયાધીશ એનવી રમન્નાએ અરજી કરનાર લોકોને પૂછ્યું છે કે જે લોકો ફોન હેક કરવાનો દાવો કરી રહ્યા છે તેઓએ હજી સુધી આ મામલે કોઈ ફરિયાદ કે અરજી કેમ નથી કરી?
મુખ્ય ન્યાયાધીશ એનવી રમન્નાએ કર્યા સવાલ
પેગાસસ મામલે અત્યાર સુધી સુપ્રીમકોર્ટમાં 9 અરજીઓ દાખલ કરવામાં આવી
વરિષ્ઠ વકીલ કપિલ સિબ્બલ કોર્ટમાં સામેલ થયા
મુખ્ય ન્યાયાધીશ એનવી રમન્નાએ કર્યા સવાલ
પેગાસસ મામલે સુપ્રીમ કોર્ટે આવેલ અરજી પર સુનવણી દરમ્યાન ગુરુવારે મુખ્ય ન્યાયાધીશ એનવી રમન્નાએ અરજી કરનાર લોકોને પૂછ્યું છે કે જે લોકો ફોન હેક કરવાનો દાવો કરી રહ્યા છે તેઓએ હજી સુધી આ મામલે કોઈ ફરિયાદ કે અરજી કેમ નથી કરી? મુખ્ય જસ્ટિસે કહ્યું કે જે લોકો દાવો કરી રહ્યા છે તેમનો ફોન હેક થયો છે તો તે લોકોએ હજી સુધી આવી કોઈ ફરિયાદ કરવાનો પ્રયાસ કેમ નથી કર્યો? સુપ્રીમ કોર્ટે એકદમ કડકાઇથી કહ્યું છે કે આ અરજીઓમાં ન્યૂઝ પેપરના કટિંગ સિવાય બીજું કઈ છે જ નહીં. સાથે જ તેમણે એ પણ કહ્યું કે ફોન ટેપિંગની ઘટનાનો દાવો સાચો છે તો પછી આ એક ગંભીર કેસ છે. વધુમાં આ કેસમાં ખૂટતા પુરાવા રજૂ કરવાની પણ ટકોર કરી છે.
પેગાસસ મામલે અત્યાર સુધી સુપ્રીમકોર્ટમાં 9 અરજીઓ દાખલ કરવામાં આવી
પેગાસસ મામલે અત્યાર સુધી સુપ્રીમકોર્ટમાં 9 અરજીઓ દાખલ કરવામાં આવી છે અને આ અરજીઓની સુનાવણી મુખ્ય ન્યાયાધીશ એનવી રમન્નાની બેચ કરી રહી છે. આ અરજીકર્તામાં એડિટર્સ ગિલ્ડ્, CPI ના સાંસદ જૉન બિટ્સ, પત્રકાર એન રામ, શશી કુમાર, વકીલ એમએલ શર્માના નામ છે. આ અરજીઓની સાથે સાથે સુપ્રીમ કોર્ટમાં કોંગ્રેસ નેતા અને વરિષ્ઠ વકીલ કપિલ સિબ્બલ કોર્ટમાં સામેલ થયા છે.
વરિષ્ઠ વકીલ કપિલ સિબ્બલ કોર્ટમાં સામેલ થયા
આ અરજી પર સુનવણી દરમ્યાન મુખ્ય ન્યાયાધીશે કહ્યું કે વધુ પડતી અરજીઓ નેશનલ અને ઇન્ટરનેશનલ મીડિયામાં છપાયેલી ખબરોના આધાર પર છે. આ સુનવણી દરમિયાન કપિલ સિબ્બલે પોતાની વાત કહેવા માટે કેલીફર્નિયાની એક કોર્ટનો હવાલો સંભળાવ્યો પણ મુખ્ય ન્યાયાધીશે કહ્યું કે અરજીમાં તમે કેટલાક ભારતીય પત્રકારોનો નામ લખ્યા છે પણ કેલિફોર્નિયાની કોર્ટમાં આવી કોઈ વાત કહેવામાં આવી નથી. આ વાત સાંભળતા કપિલ સિબ્બલે કહ્યું કે સરકારે સામે આવીને આ વિશે જવાબ આપવો જોઈએ.