આદેશ / SCએ સરકારને આપ્યા આદેશઃ કોરોનાના કારણે થયેલી આત્મહત્યાને Covid-19નું મોત ગણાશે

• SCએ કેન્દ્ર સરકારને આપ્યા આદેશ
• કોરોના પેશન્ટની આત્મહત્યાને માનવામાં આવશે કોરોનાથી મોત
• SCએ કેન્દ્રને રાજ્ય સરકારને આદેશ જાહેર કરવા કહ્યું 

 
કોરોનાએ છેલ્લા દોઢ વર્ષમાં તબાહી મચાવી છે. કોઈએ માતાપિતા તો કોઈએ પતિપત્ની ખોવ્યા અને હજારો પરિવાર અને બાળકો અનાથ બન્યા છે. કોરોનાએ આર્થિક અને માનસિક રીતે લોકોને તોડી દીધા છે. કોરોના પોઝિટિવ હોવાથી અનેક લોકો કોમામાં ગયા તો અનેકે આત્મહત્યા કરી છે. આ લોકોના ડેથ સર્ટિફિકેટ જાહેર કરવામાં આને પરિવારની મદદ કરવા માટે સુપ્રીમ કોર્ટ આગળ આવી છે.  

SCએ કેન્દ્રને જાહેર કર્યા આદેશ
SCએ કેન્દ્રને કહ્યું કે કોરોના પોઝિટિવે આત્મહત્યા કરી હશે તો તેને કોરોનાથી મોત માનવામાં આવશે. કોર્ટે આ માટે રાજ્યોને નવા નિર્દેશ જાહેર કરી દેવાના આદેશ આપ્યા છે.  

શું કહ્યું સુપ્રીમ કોર્ટે ?
એક રિપોર્ટ અનુસાર શપથપત્રમાં કેન્દ્રના સ્વાસ્થ્ય અને પરિવાર કલ્યાણ મંત્રાલયે કોરોનાથી મૃત્યુ પામેલા લોકોને સરળતાથી પ્રમાણપત્ર આપવાના સંબંધમાં ખાસ નિયમ બનાવ્યા છે. તે રાજ્યોને મોકલાયા છે. કેન્દ્રએ જે શપથપત્ર આપ્યું છે તેમાં કહેવાયું છે કે ઝેર ખાવાના કે દુર્ઘટનામાં મૃત્યુ થશે અને કોરોના પણ કારણ હશે તો તેને કોરોનાથી મોત ગણાશે નહીં. કોર્ટે આ સંબંધમાં કહ્યું કે કોરોનાના કારણે આત્મહત્યા કરનારાના મોતને કોરોનાથી થયેલું મોત માનવું સ્વીકાર્ય નથી. તેને કોરોનાના મોતનું સર્ટિફિકેટ મળવું જોઈએ. કોર્ટે કેન્દ્રને આદેશ આપ્યા છે કે તેઓ રાજ્યોને આદેશ આપે અને દરેકને સર્ટિફિકેટ આપે.  

ડેથ સર્ટિફિકેટને લઈને સરકારનો સર્ક્યુલર
ગયા શુક્રવારે સરકારે કોર્ટમાં એક એફિડેવિટ ફાઈલ કરીને કહ્યું કે કોરોના પોઝિટિવ આવ્યાના 30 દિવસમાં  કોઈનુ મોત હોસ્પિટલ કે ઘરમાં થાય છે તો ડેથ સર્ટિફિકેટ પર મોતનું કારણ કોરોના લખાશે.  

જો કે સુપ્રીમ કોર્ટે કેન્દ્રને 30 જૂને નિર્દેશ જાહેર કર્યા હતા કે જેમના મોત કોરોનાના કારણે હોસ્પિટલ કે ક્યાંક બીજે થાય છે તેમને કોરોનાથી મોત ગણવા પર વિચાર કરાશે. આ સાથે સરકારે સ્પષ્ટ રેખા બનાવવાના આદેશ આપ્યા છે. કોર્ટના નિર્દેશ બાદ સ્વાસ્થ્ય મંત્રાલ અને ICMRએ 3 સપ્ટેમ્બરે નવી ગાઈડલાઈન બનાવી છે. જેમાં કહેવાયું છે કે કોરોનાની પુષ્ટિ થયા બાદ કોઈ દર્દી હોસ્પિટલથી ડિસ્ચાર્જ થાય છે અને ટેસ્ટના 30 દિવસમાં મોત થશે તો તે કોરોનાથી મોત થયેલું ગણાશે.