હુકમથી / માસ્કને લઈને હાઈકોર્ટના નિર્દેશ પર સુપ્રીમ કોર્ટની રોક: કોવિડ સેન્ટરમાં ફરજ બજાવવાની સજા નહીં આપી શકાય

• રાજ્ય સરકારમાં સૂચનો લાગુ કરવાની ઇચ્છાશક્તિની કમી: SC
•  ભીડ ભેગી થવા મામલે ગુજરાત પોલીસ પર SCના સવાલ
•  હજારો લોકો એકઠા થઇ રહ્યાં છે,ગુજરાત પોલીસ શું કરે છે?: SC

ગુજરાત સરકારની અરજી પર સુપ્રીમકોર્ટમાં સુનાવણી ચાલી રહી છે જેમાં સોલિસીટર જનરલ તુષાર મહેતાએ દલિલ કરી હતી કે, માસ્ક પહેરવુ જોઇએ પણ આ ઉપાય યોગ્ય નથી. માસ્ક ન પહેરવાથી થતુ નુકસાન,કોવિડ કેન્દ્રમાં મોકલવાથું ઓછું નહીં થાય.  માસ્કને લઈને હાઈકોર્ટના નિર્દેશ પર સુપ્રીમ કોર્ટની રોક: કોવિડ સેન્ટરમાં ફરજ બજાવવાની સજા પર લગાવી રોક. હાઈકોર્ટે સરકારને માસ્ક ન પહેર્યુ હોય તેમને કોવિડ સેન્ટરમાં સેવાની સજા કરવાનો આદેશ કર્યો હતો. આજે સુપ્રીમકોર્ટે ગુજરાત સરકારને કેટલાક મામલે ખખડાવી હતી.  

 
સોલિસિટર જનરલની દલીલો પર SCનો જવાબ

તમારી વાત સાચી છે, અમલને લાગુ કરવો મુશ્કેલ છે પણ ગુજરાત સરકારની કામગીરી પર SCની ટકોર જરૂર કરી હતી. હાઇકોર્ટે અનેક સૂચન કર્યા હતા તેમ છતા અમલમાં ઠાગા ઠૈયા એ રાજ્ય સરકારમાં સૂચનો લાગુ કરવાની ઇચ્છાશક્તિની કમી જાહેર કરે છે. 

 ભીડ ભેગી થવા મામલે ગુજરાત પોલીસ પર SCના સવાલ
 

હજારો લોકો એકઠા થઇ રહ્યાં છે,ગુજરાત પોલીસ શું કરે છે? ગુજરાતમાં હજારોની સંખ્યામાં લગ્ન સમારંભ થઇ રહ્યાં છે. તમામ લોકો માર્કેટ,મોલમાં છે. 

સુપ્રીમકોર્ટ ગુજરાતની કોવિડની સ્થિતીને લઇ આક્રમક જોવા મળી હતી અને એટલું જ નહીં પરંતુ સુપ્રીમકોર્ટના સોલિસીટર જનરલને સવાલ પૂછ્યો હતો કે, ગુજરાતમાં માસ્ક ન પહેરવા પર કેટલો દંડ છે. ગુજરાત હાઈકોર્ટે માસ્ક ન પહેરનારને કોવિડ કોમ્યુનિટી સર્વિસમાં સેવાની સજાનો આદેશ બહાર પાડવા રાજ્ય સરકારને નિર્દેશ કર્યો હતો, જેની સામે ગુજરાત સરકારે સુપ્રીમ કોર્ટમાં અપીલ કરી છે. ગુજરાતના સોલિસિટર જનરલે આ મામલે આજે જ સુનાવણી કરવા માટેની સુપ્રીમ કોર્ટમાં વિનંતી કરી હતી. આમ, હાઈકોર્ટના માસ્ક અંગેના નિર્ણયનો મામલો સુપ્રીમ કોર્ટ સુધી પહોંચી ગયો છે.

રાજ્યમાં કોરોનાનું સંક્રમણ વકરી રહ્યું છે ત્યારે ગુજરાત હાઈકોર્ટ માસ્ક પહેર્યા વગર ફરનારા સામે નારાજ છે. હાઈકોર્ટે માસ્ક વગર પકડાયેલા લોકો સામે આકરું વલણ અપનાવ્યું છે. એને પગલે માસ્ક વગર પકડાયેલા લોકોને કોવિડ કેર સેન્ટરમાં 5થી 15 દિવસ સુધી ફરજિયાત 5થી 6 કલાકની કોમ્યુનિટી સેવા આપવા માટે ગુજરાત સરકારને આદેશ કર્યો છે.

સુપ્રીમ કોર્ટે શું સવાલ ઉઠાવ્યા?

• માસ્ક ફરજિયાત પહેરવું જોઈએ, આ કોઈ યોગ્ય ઉપાય નથી
• માસ્ક ન પહેરવાથી થતા નુકસાન કરતા કોવિડ કેન્દ્રમાં વધુ નુકસાન
• હાઈકોર્ટે અત્યાર સુધી અનેક સૂચનો કર્યા હતા
• રાજ્ય સરકારમાં સૂચનો લાગુ કરવાની ઈચ્છાશક્તિનો અભાવ
• હજારો લોકો એકઠા થાય છે તો ગુજરાત પોલીસ શું કરે છે?
• ગુજરાતમાં હજારોની સંખ્યામાં લગ્ન સમારંભ યોજાઈ રહ્યા છે
• લોકો માર્કેટ અને મોલમાં ફરી રહ્યા છે
• ગુજરાતમાં માસ્ક ન પહેરવા પર કેટલો દંડ છે?
• માસ્ક ન પહેરવા પર દંડ કોણ વસૂલે છે?
• માસ્ક ન પહેરનારા અન્યના મૂળભૂત અધિકારનું ઉલ્લંઘન કરી રહ્યા છે
• આદેશના પાલનમાં ક્યાં ખામી રહે છે એ કારણ શોધવું પડશે

સરકારે શું આપી બાંહેધરી?

• સરકાર સુનિશ્ચિત કરશે કે નિયમો કડક રીતે લાગુ થાય
• જે દિશા નિર્દેશ છે તેનો કડકથી અમલ કરાવાશે
• નિયમોના ઉલ્લંઘન પર કડક પગલાં લેવાશે
   

કોમ્યુનિટી સર્વિસ શું છે? કોમ્યુનિટી સર્વિસની અમલવારી ક્યારથી થઈ?

રાજ્યમાં કોરોનાનું સંક્રમણ વકરી રહ્યું છે ત્યારે ગુજરાત હાઈકોર્ટ માસ્ક પહેર્યા વગર ફરનારા સામે નારાજ છે. હાઈકોર્ટે માસ્ક વગર પકડાયેલા લોકો સામે આકરું વલણ અપનાવ્યું છે. એને પગલે માસ્ક વગર પકડાયેલા લોકોને કોવિડ કેર સેન્ટરમાં 5થી 15 દિવસ સુધી ફરજિયાત 4થી 6 કલાકની કોમ્યુનિટી સેવા આપવા માટે ગુજરાત સરકારને આદેશ કર્યો છે, જેને કોમ્યુનિટી સર્વિસ કહેવામાં આવે છે.