કોરોનાનો ગ્રાફ અને હોસ્પિટલમાં ઓક્સિજન અને દવાઓની અછત પર સુપ્રિમ કોર્ટ કડક થઇ છે.
સુપ્રિમ કોર્ટે પૂછ્યા મોદી સરકારને સવાલ
કોવિડ સામે લડવાનો શું છે પ્લાન
ઓક્સિજનની અછત પર સુપ્રિમ થઇ કડક
સુપ્રિમ કોર્ટે ગુરુવારે સ્વતઃ સંજ્ઞાન લેતા કેન્દ્ર સરકારને નોટિસ આપી છે. કોર્ટે કેન્દ્રને પૂછ્યુ કે તેમની પાસે કોવિડ-19 સામે લડવા માટે શું નેશનલ પ્લાન છે. કોર્ટે હરિશ સાલ્વેને એમિક્સ ક્યુરી પણ નિયુક્ત કર્યો છે.
સુપ્રિમ કોર્ટે ચાર મહત્વના મુદ્દા પર કેન્દ્ર સરકાર પાસે નેશનલ પ્લાન માગ્યો છે. તેમાં પહેલુ ઓક્સિજનની સપ્લાય, દવાઓની સપ્લાય, વેક્સિન આપવાની રીત અને પ્રક્રિયા તેમજ લૉકડાઉન કરવાનો અધિકાર માત્ર રાજ્ય સરકારને હોય કોર્ટને નહી. આ બાબતની સુનાવણી 23 એપ્રિલ એટલે કે કાલે થશે.
ઉધાર લો કે ચોરી કરો પણ..
આ પહેલા દિલ્હી હાઇ કોર્ટે કેન્દ્ર સરકાર પર ટિપ્પણી કરતા કહ્યું કે, અરજી કરો, ચોરી કરો કે ઉધાર લો પણ ઓક્સિજન હોસ્પિટલમાં લાવો. અમે દર્દીઓને મરતા નહી જોઇ શકીએ. બુધવારે દિલ્હીના કેટલાક હોસ્પિટલમાં ઓક્સિજનની તત્કાલ જરૂરિયાતના સંબંધમાં સુનવણી કરકા દિલ્હી હાઇકોર્ટે ટિપ્પણી કરી હતી.
દિલ્હી હાઇકોર્ટે સરકારને નિર્દેશ કર્યો હતો કે કોવિડ-19ના ગંભીર રોગીઓનો ઇલાજ કરી રહેલા દિલ્હીના હોસ્પિટલમાં કોઇ પણ રીતે ઓક્સિજન આપવામાં આવે. હેરાન થતા અદાલતે તે પણ કહ્યું કે કેન્દ્ર આ મહામારીને ગંભીરતાથી કેમ નથી લઇ રહી. અદાલતે નાસિકમાં થયેલ મોત વિશે પણ કહ્યું હતુ.
દિલ્હી હાઇકોર્ટે કહ્યું કે ઉદ્યોગ ઓક્સિજનની પૂર્તિ માટે કેટલા દિવસ રાહ જોવી પડશે, ટાટા કંની પોતાના ઓક્સિજન કોટાને ડાયવર્ટ કરી શકે છે તો બીજા લોકો કેમ એવુ નથી કરી શકતા. માણસાઇ માટે કોઇ જગ્યા નથી કે શું. આ ખુબ હાસ્યાસ્પદ છે.
અદાલતે દિલ્હીના મેક્સ હોસ્પિટલની અરજી પર સુનાવણી કરી જેણે 1400 કોવિડ રોગીઓને બચાવવા માટે અદાલત પહોંચી હતી. હોસ્પિટલે દાવો પણ કર્યો હતો કે તેમની પાસે પૂરતુ ઓક્સિજન નથી. આ વાત પર અદાલતે આશ્ચર્ય જતાવ્યુ હતુ.