નારાજગી / કચરો વીણતાં શ્રમિકને ચોર સમજીને મારી નાખ્યો, આરોપીને જામીન મળી જતાં સુપ્રીમ સરકારથી ખફા

• સુપ્રીમકોર્ટે રાજ્યસરકાર સામે દર્શાવી નારાજગી
• હાઇકોર્ટના નિર્ણય સામે અપીલ ન કરતા નારાજગી
• વર્ષ 2018ના કેસમાં સુપ્રીમ કોર્ટનું અવલોકન

શાપર-વેરાવળમાં કંપનીના માલિકે ચોરીની આશંકાએ શ્રમિકને માર મારતા શ્રમિકનું મોત નીપજ્યુ હતું.  આ સમગ્ર મામલો હાઇકોર્ટમાં જતા હાઇકોર્ટે આરોપીના જામીન મંજૂર કર્યા હતા. આ મામલે રાજ્ય સરકારે આરોપીના જામીન સામે અપીલ ન કરતા સુપ્રીમકોર્ટે નારાજગી દર્શાવી છે. સુપ્રીમ કોર્ટનું અવલોકન છે કે રાજ્ય સરકારે હાઇકોર્ટના નિર્ણય સામે અપીલ કેમ ન કરી. જો કે આ મામલે શ્રમિકની પત્નીએ સુપ્રીમ કોર્ટમાં અપીલ કરતા સુપ્રીમ કોર્ટે હાઇકોર્ટે  આરોપીઓને આપેલા જામીન રદ કર્યા છે.

સમગ્ર કેસમાં શું છે સુપ્રીમ કોર્ટનું અવલોકન

• HCએ આપેલા જામીન સામે અપીલ જરૂરી હતી: SC
• ગુજરાત સરકારે અપીલ ફાઇલ ન કરી: SC
• ગુજરાત સરકાર પીડિતનું રક્ષણ કરવામાં નિષ્ફળ નીવડી: SC
• અમારા અવલોકન રાજ્ય-ડિરેક્ટર ઓફ પ્રોસિક્યુશન સુધી પહોંચે: SC

શું બની હતી આખી ઘટના

રાજકોટમાં  વર્ષ  2018માં શ્રમિકને માર મારતા મોત થયુ હતું. શાપર-વેરાવળમાં કંપની માલિકે શ્રમિકને થાંભલા સાથે બાંધીને લાકડીથી માર માર્યો હતો.કચરો વિણવા ગયેલા શ્રમિક પર ચોરીની શંકાએ કંપની માલિકે માર માર્યો હતો. આ મામલે શ્રમિકની પત્નીએ હાઇકોર્ટમાં ન્યાયની માગ કરી હતી પરંતુ હાઇકોર્ટે આરોપીના જામીન મંજૂર કર્યા હતા.શ્રમિકની પત્નીએ હાઇકોર્ટના નિર્ણયની સુપ્રીમકોર્ટમાં અપીલ કરી હતી.