સુપ્રીમકોર્ટે કહ્યું કોને એન્ટ્રી આપવી કે નહીં તે પોલીસનો વિષય છે
દિલ્હીમાં 26મી જાન્યુઆરીના રોજ ખેડૂતોની ટ્રેકટર માર્ચ મામલે સુપ્રીમ કોર્ટે હાલ કોઇ આદેશ આપવાનો ઇન્કાર કર્યો છે. સુપ્રીમ કોર્ટે જણાવ્યું કે કોને પ્રવેશ આપવો કે નહીં તે પોલીસનો વિષય છે.
Hearing in the application filed by Delhi Police seeking a direction to put an injunction on the proposed tractor rally on Republic Day: Supreme Court says that they will hear the matter day after tomorrow. pic.twitter.com/zwy804KXfd
દિલ્હીમાં ટ્રેકટર માર્ચ કાયદો અને વ્યવસ્થાનો વિષય છે. આમ આ મામલે વધુ સુનાવણી આગામી 20 જાન્યુઆરી બુધવારના રોજ હાથ ધરાશે.
પોલીસ નક્કી કરે દિલ્હીમાં કોણ આવશે, કોણ નહીં
ટ્રેકટર રેલીને લઇને સુપ્રીમ કોર્ટમાં સુનાવણી હાથ ધરવામાં આવી. સુપ્રીમ કોર્ટે જણાવ્યું કે રામલીલા મેદાનમાં પ્રદર્શન અંગેની મંજૂરી આપવા અંગે પોલીસે નિર્ણય કરવાનો છે. આ સાથે સુપ્રીમે કહ્યું કે શહેરમાં કેટલા લોકો, કેવી રીતે આવે એ પોલીસ નક્કી કરશે. ચીફ જસ્ટીસે કહ્યું શું કોર્ટે હવે જણાવવું પડશે કે સરકારની પાસે પોલીસ એક્ટ હેઠળ શું શક્તિ છે. આ મામલે સુપ્રીમ કોર્ટમાં બુધવારના રોજ સુનાવણી હાથ ધરાશે.
કોર્ટમાં સુનાવણી દરમિયાન સૌથી પહેલા BKU લોકશક્તિના વકીલ એ પી સિંહે દલીલ રાખી. એપી સિંહે કહ્યું કે અમે શાંતિથી રામલીલા મેદાનમાં ધરણા કરવા મંજૂરી અપાઇ. ચીફ જસ્ટિસે કેન્દ્ર સરકારના વકીલ એટર્ની જનરલને કહ્યું કે સુપ્રીમ કોર્ટને હવે સરકારને એ પણ જણાવું પડશે કે તમારી પાસે કાયદા હેઠળ શક્તિ છે?
કૃષિ કાયદાના મુદ્દા પર ખેડૂત સંગઠનોના ધરણાને બે મહિના થઇ ગયા છે. આ વચ્ચે સોમવારે એક સૌથી મોટા સમાચાર સામે આવી રહ્યાં છે. સૂત્રોને મળતી જાણકારી મુજબ સંયુક્ત કિસાન મોર્ચાએ ભારતીય કિસાન યૂનિયન (ચઢૂની)ના પ્રધાન ગુરુનામ સિંહ ચઢૂનીને સસ્પેન્ડ કરી દીધા છે.
19ના રોજ સુપ્રીમ કોર્ટની કમિટી મળશે
આ સિવાય ભારતીય ખેડૂત યુનિયન લોકશક્તિ દ્વારા સુપ્રીમ કોર્ટનું વલણ અપનાવ્યું છે. જેમાં અપીલ કરવામાં આવી કે કૃષિ કાયદાના મુદ્દા પર સુપ્રીમ કોર્ટે જે કમિટીનું ગઠન કર્યું છે, તેને ફરીથી બનાવામાં આવે. ખેડૂત સંગઠનોનું કહેવું હતું કે કમેટીના સભ્ય પહેલે થી જ કાયદાના સમર્થક છે, એવામાં તેઓની સાથે ન્યાય નહીં થાય.
ઉલ્લેખનીય છે કે આ આરોપોની વચ્ચે ભૂપિંદર સિંહ માનને કમિટીનું સભ્યપદ છોડી દીધુ હતું. અરજીઓ સિવાય સુપ્રીમમાં ગઠિત કમિટીને પહેલી બેઠકની તારીખ નક્કી કરી લીધી છે. 19 જાન્યુઆરીના રોજ કમિટીની પહેલી બેઠક મળશે.