સુનાવણી / તમે કાળા કોટમાં હોવ એટલે મનફાવે તેવું કરવાનું, વકીલે કર્યું એવું કે ફટકારતા સુપ્રીમે કર્યો મોટો દંડ

• કોરોનાથી મરનાર વકીલોના પરિવારોને 50 લાખના વળતરની માગ કરી વકીલે
• અરજી ફગાવતા સુપ્રીમ કોર્ટ ભડકી કહ્યું તમે કાળા કોટમાં હોવ એટલે મનફાવે તેવું કરવાનું
• કોર્ટે વકીલને 10 હજારનો દંડ ફટકાર્યો 

 વળતરની અરજી કરનાર ફગાવતા જસ્ટિસ ડીવાય ચંદ્રચુડે જણાવ્યું કે જ્યારે સમાજના બીજા સભ્યો આવી જ સમસ્યાનો સામનો કરી રહ્યાં છે ત્યારે વકીલે તેમાંથી અપવાદ બનવાની કોશિશ ન કરવી જોઈએ. વકીલે આવી અરજી ન કરવી જોઈએ. 

જસ્ટિસે કહ્યું કે તમે કાળા કોટમાં હોય એટલે તમારી વધારે કિંમત થતી નથી. તમે વકીલો છો તેથી તેનો એવો અર્થ નથી ને તમે કોઈ આવા પ્રકારની અરજી દાખલ કરો. આ પ્રકારની જનહિતની અરજી અટકાવવી પડશે. 

શું છે મામલો
વકીલ પ્રદીપ કુમારે કોરોનાથી મરનાર વકીલોના પરિવારોને વળતર આપવા સુપ્રીમમાં અરજી કરી હતી. વકીલ પ્રદીપ કુમારે તેમની અરજીમાં સુપ્રીમ કોર્ટે પાસે એવા નિર્દેશની માગ કરી હતી કે કોરોનાથી મરનાર વકીલોને પરિવારોને 50 લાખનું વળતર આપવામાં આવે. વકીલે દલીલ પણ એવી કરી કે મહામારીની વચ્ચે સરકાર સમાજના બીજા સમુદાયોને આર્થિક સહાય આપી રહી છે. 

સુપ્રીમની ખંડપીઠે જણાવ્યુ કે વકીલ આવા પ્રકારની જનહિતની અરજી દાખલ કરે તેવું ન બની શકે, તેઓ જસ્ટિસ પાસે વળતરની પણ માગ ન કરી શકે. તમને ખબર છે ને ઘણા લોકો માર્યા ગયા છે અને તમે અપવાદ ન બની શકો.