ગ્વાલિયરની કિરણ વાજપેયી કોન બનેગા કરોડપતિમાં દેખાશે. 14 વર્ષની લાંબી તૈયારી બાદ તેમનો નંબર લાગ્યો છે અને તે બચ્ચન સામે હોટસીટ પર બેસી શક્યા છે. કિરણ અને અમિતાભ વચ્ચે ભાઇ બહેનનો સંબંધ છે. કિરણ 14 જાન્યુઆરીના રોજ 1 કરોડના સવાલનો જવાબ આપશે.
અમિતાભની બહેન આવશે હોટ સીટ પર
કોન બનેગા કરોડપતિમાં આવશે બચ્ચનની બહેન
1 કરોડના સવાલ સુધી પહોંચે છે કિરણ વાજપેયી
ગ્વાલિયરમાં જ્યોતિષ અને વાસ્તુ શાસ્ત્ર માટે કામ કરી રહેલી કિરણ વાજપેયી કેબીસીની હોટ સીટ પર બેસશે. કિરણની ખાસ ઓળખાણ તે છે કે તે 40 વર્ષથી અમિતાભ બચ્ચનને રાખડી મોકલી રહી છે. કિરણનો આ એપિસોડ 14 જાન્યુઆરીના રોજ પ્રસારિત કરવામાં આવશે.
40 વર્ષથી મોકલે છે રાખડી
કિરણ વાજપેયી ગ્વાલિયરની જીવાજી યુનિવર્સીટીમાં જ્યોતિષ અને વાસ્તુશાસ્ત્રની વિઝીટીંગ ફેકલ્ટી છે. જે છેલ્લા 14 વર્ષથી કેબીસીમાં આવવાની તૈયારી કરી રહી હતી પરંતુ સફળતા મળતી ન હતી. તેણે કહ્યું કે તે છેલ્લા 40 વર્ષથી અમિતાભને રાખડી મોકલી રહી છે. આ જ કારણ છે કે બચ્ચને હોટ સીટ પર બેઠેલી આ મહિલાને બહેન કહીને સંબોધી હતી.
1 કરોડના સવાલનો જવાબ
જોરદાર તૈયારી સાથે આવેલી કિરણ એક કરોડના સવાલ સુધી પહોંચી જાય છે. કિરણે કહ્યું કે તે 2000ના વર્ષથી કોન બનેગા કરોડપતિ જોઇ રહી છે અને 2006માં હોટ સીટ માટેની તૈયારી શરૂ કરી દીધી હતી. કેબીસીની તૈયારી માટે તેણે ઢગલો પુસ્તક વાંચ્યા છે.