યુક્રેનમાં યુદ્ધ લડી રહેલા રશિયા સામે યુરોપિયન યુનિયનના 28 દેશોએ મોટું પગલું ભર્યું છે.
યુરોપિયન યુનિયનના 28 દેશોએ મોટું પગલું
રશિયાના એક પણ વિમાનને ઉતરવા ન દેવાનો નિર્ણય
યુરોપિયન યુનિયનના દેશોએ યુક્રેનને પૂરી પાડી મદદ
રશિયાના આક્રમણને અયોગ્ય માનનાર દુનિયાના 28 દેશોએ નાની મોટી મદદ પુરી પાડીને યુક્રેનનું એકલું રહેવા દીધું નથી. દુનિયાના દેશોએ થાય તેટલી મદદ યુક્રેનને કરી છે. રશિયા અને યુક્રેન વચ્ચેના યુદ્ધનો આજે પાંચમો દિવસ છે. યુક્રેન પર થયેલા હુમલાને લઈને પશ્ચિમી દેશોએ રશિયન વિમાનો માટે પોતાની એરસ્પેસ બંધ કરી દીધી છે. યુરોપિયન યુનિયને રવિવારે રશિયન વિમાનો માટે એરસ્પેસ બંધ કરવાની જાહેરાત કરી હતી. યુરોપિયન યુનિયન ઉપરાંત કેનેડાએ પણ રશિયા માટે પોતાની એરસ્પેસ બંધ કરી દીધી છે.
રશિયન વિમાનો માટે યુરોપિયન યુનિયને એરસ્પેસ કર્યું બંધ
યુરોપિયન યુનિયનના પ્રમુખ ઉર્સુલા વોન ડેર લેયેને જણાવ્યું હતું કે રશિયન વિમાનો માટે યુરોપિયન યુનિયનનું એરસ્પેસ બંધ કરી દેવામાં આવ્યું છે. જેમાં રશિયન વિમાનો, રશિયન-રજિસ્ટર્ડ એરક્રાફ્ટ અને રશિયન અંકુશિત વિમાનોનો સમાવેશ થાય છે. આ પ્રતિબંધ ખાનગી જેટ પર પણ લાગુ થશે. યુરોપિયન યુનિયનમાં ૨૭ દેશો છે.
કયા દેશોએ એરસ્પેસ બંધ કરી
યુરોપિયન યુનિયનના 28 દેશ તેના એરસ્પેસમાં રશિયાના વિમાનોને ન ઉતરવા દેવાનો નિર્ણય કર્યો છે. યુરોપિયન યુનિયનમાં ઑસ્ટ્રિયા, બેલ્જિયમ, બલ્ગેરિયા, ક્રોએશિયા, સાયપ્રસ, ચેક રિપબ્લિક, ડેનમાર્ક, એસ્ટોનિયા, ફિનલેન્ડ, ફ્રાન્સ, જર્મની, ગ્રીસ, હંગેરી, આયર્લેન્ડ, ઇટાલી, લાતવિયા, લિથુઆનિયા, લક્ઝમબર્ગ, માલ્ટા, નેધરલેન્ડ, પોલેન્ડ, પોર્ટુગલ, રોમાનિયાનો સમાવેશ થાય છે. , સ્લોવેકિયા, સ્લોવેનિયા, સ્પેન અને સ્વીડનનો સમાવેશ થાય છે.