ફાયદાકારક / મહિલાઓ માટે ખૂબ જ જરૂરી છે આ 6 ફૂડ્સ, સ્વાસ્થ્યને થશે જબરદસ્ત ફાયદા અને ટકશે યુવાની

• સારાં સ્વસ્થ અને યુવાની જાળવી રાખવા માટે સંતુલિત આહાર ખૂબ જ જરૂરી છે
• પુરૂષોની તુલનામાં મહિલાઓને વધુ પોષણની જરૂર પડે છે
• મહિલાઓએ ખાસ પોતાની ડાયટ પર ધ્યાન આપવું જોઈએ

લો ફેટ દહીં

મહિલાઓએ પોતાની ડાયટમાં લો ફેટ દહીં અવશ્ય સામેલ કરવું જોઈએ. દહીં બ્રેસ્ટ કેન્સરના ખતરાઓ ઘટાડે છે. આ પેટ સંબંધી સમસ્યાઓને દૂર કરે છે. પુરૂષોની તુલનામાં મહિલાઓને પેટ સંબંધી સમસ્યાઓ વધુ થાય છે. જેથી દહીં આ સમસ્યાઓથી બચવા માટે બેસ્ટ છે. આ સિવાય દહીં હાડકાંઓને મજબૂત બનાવવા માટે બોડીને પૂરતું કેલ્શિયમ પણ પૂરું પાડે છે. આ દરેક ઉંમરની મહિલાઓ માટે બેસ્ટ છે. 

ફેટી ફિશ

મહિલાઓએ સેલ્મન, સાર્ડિન અને મેકરલ ફિશ પોતાની ડાયટમાં સામેલ કરવી જોઈએ. આ બધી ફિશમાં ઓમેગા-3 ફેટી એસિડ હોય છે. તેમાં ઈકોસાપેંટેનોઈક એસિડ વધુ પ્રમાણમાં હોય છે. ફેટી ફિશ હાર્ટની બીમારીઓ, સ્ટ્રોક, હાઈપરટેન્શન, ડિપ્રેશન, જોઈન્ટ પેન અને ઈન્ફ્લેમેશનથી જોડાયેલી બીમારીઓને દૂર કરવામાં મદદ કરે છે. આ સિવાય તેનાથી અલ્ઝાઈમરનો ખતરો પણ દૂર થાય છે. સપ્તાહમાં 2-3 વાર ફેટી ફિશ અવશ્ય ખાવી જોઈએ. 

બીન્સ

બીન્સમાં ફેટ ઓછું અને પ્રોટીન અને ફાઈબર વધુ હોય છે. આ હાર્ટની બીમારીઓ અને બ્રેસ્
કેન્સરથી બચાવે છે. આ મહિલાઓમાં હોર્મોન્સને પણ સ્થિર રાખે છે. આ સાથે જ બીન્સનું ડાયટમાં સેવન કરવાથી કોલેસ્ટ્રોલ પણ વધતું નથી. સાથે મેનોપોઝ દરમિયાન હોર્મોન્સનું બેલેન્સ પણ જળવાય છે. 

લો ફેટ મિલ્ક અથવા ઓરેન્જ જ્યૂસ

લો ફેટ મિલ્ક અથવા ઓરેન્જ જ્યૂસમાંથી મળતું વિટામિન ડી બોડીમાં કેલ્શિયમને એબ્સોર્બ કરવામાં મદદ કરે છે. આ સિવાય લો ફેટ મિલ્ક અથવા ઓરેન્જ જ્યૂસને ડાયટમાં સામેલ કરવાથી ઓસ્ટિયોપોરોસિસ, ડાયાબિટીસ, બ્રેસ્ટ, પેટ અને ઓવરીના ટ્યૂમરના ખતરાને પણ ઓછો કરે છે. 

ટામેટા

ટામેટામાં રહેલું લાઈકોપિન મહિલાઓ માટે ખૂબ જ ફાયદાકારક છે. લાઈકોપિન તત્વ મહિલાઓને બ્રેસ્ટ કેન્સરથી બચાવે છે. ટામેટાં એન્ટીઓક્સીડેન્ટનો પણ બેસ્ટ સોર્સ માનવામાં આવે છે. તે હાર્ટની બીમારીઓ અને વધતી ઉંમરના લક્ષણોને રોકવામાં મદદ કરે છે. 

બેરીઝ

બ્લૂબેરી, સ્ટ્રોબેરી, રાસબેરી, ક્રેનબેરીમાં એન્ટીકેન્સર તત્વ હોય છે. આનું સેવન કરવાથી મહિલાઓમાં બ્રેસ્ટ અને પેટના કેન્સરનું જોખમ ઘટે છે. તેમાં વિટામિન સી, ફોલિસ એસિડ અને એન્ટીઓક્સીડેન્ટ ભરપૂર પ્રમાણમાં હોય છે. પ્રેગ્નેન્સીમાં પણ ખૂબ જ ફાયદાકારક હોય છે. સાથે જ બેરીઝનું સેવન કરવાથી મહિલાઓમાં યૂરિનરી ટ્રેક્ટ ઈન્ફેક્શનનો ખતરો પણ ઓછો થઈ જાય છે.