કોરોના વાયરસના કારણે દેશમાં લોકડાઉન છે અને પસાર થતાં દિવસોની સાથે તમામ લોકો વિચારી રહ્યા છે આ બધું ઝડપથી પૂર્ણ થાય અને જીંદગી ફરી રાબેતામુજબ થાય. ત્યારે એક ખુશીના સમાચાર આવ્યા છે.
ભારતમાં આજે સુપર પિંક મૂનના થશે દીદાર
વર્ષનો સૌથી મોટો ચંદ્રમાં આજે જોવા મળશે
આજે ધરતી પર સુપરમૂનના દીદાર થવાના છે એટલે કે આજે રાતે સૌથી મોટો ચંદ્ર જોવા મળશે. નોંધનીય છે કે, આ સુપરમૂન જોવા માટે તમારે ક્યાંય જવાની જરૂર નથી આપના ઘરના ફળીયા કે અગાસી પરથી જોઇ શકાશે.
શું છે સુપરમૂન
જ્યારે ચંદ્ર અને ધરતી વચ્ચેનું અંતર એકદમ ઘટી જાય છે તો ચંદ્રમાની ચમક વધી જાય છે આ સ્થિતિને સુપરમૂન તરીકે ઓળખવામાં આવે છે. આ સમયગાળા દરમિયાન ચંદ્ર રોજની તુલનામાં 14 ટકા મોટો અને 30 ટકા વધુ ચમકતો દેખાય છે.
શું છે સુપર પિંક મૂન
પિંક સુપરમૂન એ માત્ર એક નામ છે, જેની પાછળ કોઈ વૈજ્ઞાનિક કારણ નથી. નોંધનીય છે આ યુએસ અને કેનેડામાં આ સિઝનમાં ઉગાડેલા ફૂલને કારણે તેને પિંક સુપરમૂન કહેવામાં આવે છે. આ ફૂલનું નામ Phlox Subulata છે. તેને મોસ પિંક પણ કહેવામાં આવે છે. આ સિઝનમાં તેના નામે દેખાતા સુપરમૂનને પિંક સુપરમૂન કહેવામાં આવે છે. આનો અર્થ એ નથી કે ચંદ્ર ગુલાબી દેખાશે.
ભારતમાં કેટલા વાગે દેખાશે સુપર મૂન ?
આજે રાતે 8 વાગેને 5 મિનિટે સુપર મૂન જોવા મળશે આ સાથે જ તે આવતીકાલે પણ જોવા મળશે.