CMO / છ વર્ષમાં ગુજરાતને ત્રણ CM મળ્યા, પણ 'સુપર CM'તો છ વર્ષથી એક જ

• મોદીની ગુડ બુકમાં આવતાં કે કૈલાસનાથન વિના કોઈ પણ CMને ન ચાલે 
• રાજ્ય સરકારનો કોઈ પણ કાયદાકીય નિર્ણય કૈલાસનાથન વગર અધુરો
• કૈલાસનાથન એકમાત્ર નિવૃત IAS જેમને છઠ્ઠી વખત એક્સટેન્શન અપાયું

2013થી શરૂ કર્યું આજે પણ CMના સચિવ

1979 બેચના ગુજરાત કેડરના IAS કે. કૈલાસનાથન 2013માં 33 વર્ષની સેવા બાદ સેવા નિવૃત થયા છે. પરંતુ 2013 બાદ તત્કાલિન મુખ્યમંત્રી નરેન્દ્ર મોદીએ CMO( મુખ્યમંત્રી ઓફિસ)માં કૈલાસનાથન માટે એક નવો હોદ્દો ઉભો કરી CMOમાં મુખ્ય અગ્ર સચિવ બનાવ્યા. ત્યારથી લઈ આજ સુધી આજ પદ શોભાવી રહ્યા છે કૈલાસનાથન. 

કે.કે. અધિકારીઓ દ્વારા અપાયેલું હુલામણું નામ

કે. કૈલાસનાથનને અધિકારી વર્તુળ અને નેતાઓ કે.કે.ના હુલામણા નામથી ઓળખે છે. કૈલાસનાથ એકમાત્ર એવા નિવૃત IAS છે જેમને ગુજરાત સરકાર સતત છઠ્ઠી વખત એક્સટેન્શન આપ્યું હોય. આ ઉપરાંત નરેન્દ્ર મોદીના વફાદાર તથા માનીતા અધિકારી તરીકે કૈલાસનાથનનું નામ પ્રથમ હરોળમાં છે. કૈલાસનાથ જાહેર કાર્યક્રમોથી દૂર રહે છે પરંતુ સરકારના કોઈ પણ નિર્ણયમાં કૈલાસનાથનનો રિવ્યુ ન લેવાઈ તેવું શક્ય જ નથી. 

પ્રથમઃ નરેન્દ્ર મોદીના કાર્યકાળમાં 

• 1 ડિસેમ્બર 2013થી 2014 સુધી (જ્યાં સુધી મોદી CM રહ્યા) કૈલાસનાથન મુખ્યમંત્રીના મુખ્ય અગ્ર સચિવ રહ્યા.
• જો કે અગાઉ 2010થી 2013માં પણ કૈલાસનાથન મોદીના અધિક મુખ્ય સચિવ રહ્યા હતા.     
• આ ઉપરાંત 2006થી 2008 સુધી કૈલાસનાથ જ્યારે નરેન્દ્ર મોદીના અગ્ર સચિવ બન્યા ત્યારથી મોદીના વફાદાર અધિકારી તરીકે નામના મેળવી

દ્વિતીયઃ આનંદીબેન પટેલના કાર્યકાળમાં

• મે-2014થી 2016ના બે વર્ષના સમયગાળામાં કૈલાસનાથ આનંદીબેન પટેલના મુખ્ય અગ્ર સચિવ રહ્યા.

તૃતિયઃ વિજય રૂપાણીના કાર્યકાળમાં શરૂઆતથી આજ દીન સુધી

• 2016 બાદ જ્યારથી વિજય રૂપાણી મુખ્યમંત્રી બન્યા ત્યારથી કૈલાસનાથન CMના મુખ્ય અગ્ર સચિવ જ છે

કે કૈલાસનાથનને છ વખત એક્સટેન્શન અપાયું

1) ડિસેમ્બર 2013 થી 2014 - નરેન્દ્ર મોદીના સમયગાળામાં
2) ડિસેમ્બર 2014 થી 2015- આનંદીબેન પટેલના સમયગાળામાં
3) ડિસેમ્બર 2015થી 2016- આનંદીબેન પટેલના સમયગાળામાં
4) 2016થી 2017- વિજય રૂપાણીના સમયગાળામાં
5) 2017થી 2019- વિજય રૂપાણીના સમયગાળામાં
6) 2019થી 2021- વિજય રૂપાણીના સમયગાળામાં

આલેખનઃ ધવલ માકડિયા, અમદાવાદ