ડેવિડ વૉર્નરની કપ્તાનીવાળી ટીમ સનરાઇઝર્સ હૈદરાબાદે રેકૉર્ડ ચાર વખત ચેમ્પિયન મુંબઇ ઇન્ડિયન્સને હરાવીને મંગળવારે પ્લેઑફ ક્વોલિફાય કર્યું. બોલરોના શાનદાર પ્રદર્શન બાદ હૈદરાબાદ માટે વૉર્નર અને વિકેટકિપર બેટ્સમેન ઋદ્ધિમાન સાહાએ અણનમ ભાગીદારી કરી મુંબઇ પર 10 વિકેટથી જીત મેળવી.
મુંબઈની ટીમમાં કેપ્ટન રોહિત શર્માએ વાપસી કરી છે જે ઇજાના કારણે છેલ્લી કેટલીક મેચોથી બહાર હતા. જોકે તેઓ બેટિંગમાં કોઇ કમાલ ન કરી શક્યા અને ચાર રન બનાવીને સંદિપનો પહેલો શિકાર બન્યા. રોહિતની આ ઇજાના કારણે ઓસ્ટ્રેલિયા પ્રવાસ માટે ભારતીય ટીમમાં પણ પસંદગી નથી કરવામાં આવી.