અમેરિકી પોર્નસ્ટારથી બોલિવૂડ એક્ટ્રેસ બનેલી સની લિયોન બોલિવૂડમાં ઘણી ફિલ્મ કરી ચૂકી છે. સનીના જણાવ્યા અનુસાર તેને બોલિવૂડની આદત પડી ગઇ છે.
સનીએ કહ્મુ કે, ''હું હવે આ દુનિયાને થોડી સારી રીતે જાણું છું. અહીં શરૂઆતનાં વર્ષોમાં પહેલી કેટલીક ફિલ્મો શીખવાના મોકા જેવી હતી. અહીં એટલી અવ્યવસ્થા છે, પરંતુ સમગ્ર સિસ્ટમ કોઇ મશીનની જેમ કામ કરે છે, કેમ કે કોઇ ને કોઇ રીતે અહીં બધું જ કામ થઇ જાય છે. શરૂઆતમાં હું એ જોઇને ગભરાઇ જતી હતી કે સવારે અમે કંઇક પ્લાન કરતાં અને થોડી વારમાં બધું બદલાઇ જતું, પરંતુ હવે હું શાંત રહેતાં પણ શીખી ગઇ છું. હવે હું એક મહત્ત્વની વાત શીખી ગઇ છું અને તે છે શાંતિ રાખો, બધું આરામથી થશે. અહીં કામને લઇને કોઇ વધુ પડતું ટેન્શન લેતું નથી.''
સનીનું કહેવું છે કે, ''હવે હું હિંદીમાં ખૂલીને વાતચીત કરી શકુ છે અને સારી રીતે સમજી પણ શકુ છુ. મારી વાત કરવાની આદત હજુ પણ થોડી અમેરિકી છે, પરંતુ હું ભરોસો અપાવી શકું છું કે હું સંપૂર્ણ રીતે દેશી છું.''
સની ટૂંક સમયમાં પોતાના પ્રોડક્શન હાઉસ હેઠળ ફિલ્મ શરૂ કરવા જઇ રહી છે. જેના વિશે તેણે વાત કરતા કહ્યુ કે, ''હું થોડા સમયમાં મારી ફિલ્મની જાહેરાત કરીશ. ''
તાજેતરમાં સનીના જીવન પર બનેલી વેબ સિરીઝની છેલ્લી સિઝન રિલીઝ થઇ હતી.સની કહે છે કે, ''મારી લાઇફ પર વેબ સિરીઝને ફિલ્માવતી વખતે મારી આંખમાં આંસુ આવી જતાં હતાં, કેમ કે મારી જિંદગીની કેટલીક યાદો ફરી વખત મનમાં તાજી થઇ જતી હતી.''