બોલીવુડ / ભૂતકાળને લઈને સની લિયોનીનું છલકાયું દર્દ, કહ્યું આજે પણ પ્રોડ્યુસર મને...

• સની લિયોનીએ જણાવ્યું કે તેની બૉલીવુડ કરિયર સરળ રહી નથી 
• પ્રોડ્યુસર કામ આપવામાં અચકાતા હતા - સની લિયોની 
• અનુરાગ કશ્યપની ફિલ્મમાં જોવા મળશે સની 

સની લિયોનીએ જણાવ્યું કે તેની બૉલીવુડ કરિયર સરળ રહી નથી 

બૉલીવુડની બેબી ડોલ સની લિયોની જલ્દી જ ડાયરેક્ટર અનુરાગ કશ્યપની અપકમિંગ ફિલ્મમાં જોવા મળશે. હાલમાં જ અભિનેત્રીએ આ વિશે પોતાના સોશિયલ મીડિયા અકાઉન્ટ દ્વારા ફેન્સને આ જાણકારી આપી. જોકે, હજુ તેમની ફિલ્મનું ટાઇટલ શું છે એ વિશે જાણકારી પ્રાપ્ત થઈ નથી. આ વચ્ચે સની લિયોનીએ પોતાની ફિલ્મી કરિયરને લઈને અમુક વાતો શેર કરી. પોતાનાં હાલનાં જ એક ઇન્ટરવ્યૂમાં તેણે ખુલાસો કર્યો કે તે 10 વર્ષોમાં સંપૂર્ણપણે બદલાઈ ગઈ છે. તેણે એમ પાન્ જણાવ્યું કે બૉલીવુડમાં તેની કરિયરની સફર ઘણી મુશ્કેલ રહી છે કેમકે કોઈપણ ડાયરેક્ટર તેની સાથે કામ કરવા માંગતા ન હતા. 

સની લિયોનીએ હાલનાં જ એક ઇન્ટર્વ્યૂમાં બૉલીવુડમાં પોતાની સફર વિશે વાતચીત કરી. તેણે કહ્યું કે મને ઇન્ડસ્ટ્રી સાથે પ્રેમ છે. મને અહીં જેટલું પણ કામ મળ્યું છે, હું તેનાથી ખુશ છું. અહીં ઘણા સારા તથા ખરાબ નિર્ણયો પણ લીધા છે, પરંતુ તે ખરાબ નિર્ણયોથી પણ મને ઘણું શીખવા મળ્યું છે. આ મારુ ઘર છે અને મને અહીં ગમે છે. 

પ્રોડ્યુસર કામ આપવામાં અચકાતા હતા 
રિપોર્ટ અનુસાર, સની પોતાનાં બૉલીવુડનાં શરૂઆતનાં દિવસોને યાદ કરીને જણાવે છે કે તેમનાં પાસ્ટને કારણે બૉલીવુડમાં સફર સરળ રહી ન હતી. ઘણા ફિલ્મમેકર્સ તેમની સાથે કામ કરવા માટે ઇચ્છુક ન હતા. જ્યારે હું અહીં આવી હતી, ત્યારે લોકો મારી સાથે કામ કરવાનું પસંદ કરતાં ન હતા. આજે પણ ઘણા પ્રોડક્શન હાઉસ મને કામ આપવા નહીં માંગતા હોય, પરંતુ મને તેનાથી કોઈ ફરક પડતો નથી. કદાચ, આગળ જઈને મને તેમની સાથે કામ કરવાની તક મળશે. 

​​​​​​​

સનીની અપકમિંગ ફિલ્મ 
છેલ્લે સનીને એમેક્સ પ્લેયરની વેબ સીરિઝ 'અનામિકા'માં જોવામાં આવી હતી, જે આ વર્ષની શરૂઆતમાં રિલીઝ થઈ હતી. જોકે, હવે સની ટીવી શો 'સ્પ્લિટસવિલા'ને હોસ્ટ કરવાને કારણે ચર્ચામાં રહે છે. પરંતુ તમને જણાવી દઈએ કે આવનાર દિવસોમાં તે અર્જુન રામપાલ સ્ટારર 'ધ બેટલ ઓફ ભીમા કોરેગાંવ'નાં એક સોંગમાં જોવા મળશે, આ ફિલ્મ આવતા વર્ષે એટલે કે 2023માં રિલીઝ થશે.