કોરોના વાયરસનો ખતરો દુનિયાભરમાં વધી રહ્યો છે અને એવામાં સરકાર બધાંને ઘરમાં જ રહેવા અને ટ્રાવેલ ન કરવાની સલાહ આપી રહી છે, પરંતુ બોલિવૂડ એક્ટ્રેસ સની લિયોન કોરોના મહામારી દરમિયાન ભારતથી યૂએસ જતી રહી છે. સનીની સાથે તેનો પતિ ડેનિયલ વેબર અને તેના બાળકો પણ ગયા છે.
સની લિયોનએ મધર્સ ડે પર પોસ્ટ લખીને બધાંને આ વિશે જણાવ્યું. સનીએ લખ્યું- બધી જ મોમ્મને હેપ્પી મધર્સ ડે. જ્યારે તમારા જીવનમાં બાળકો આવી જાય છે ત્યારે તમારી પ્રાથમિકતાઓ પણ બદલાઈ જાય છે. ડેનિયલ અને મને એ તક મળી કે અમે અમારા બાળકોને ત્યાં લઈ જઈ શકીએ જ્યાં અમને લાગે છે કે, અમે આ અદ્રશ્ય કોરોના વાયરસથી સુરક્ષિત રહી શકીએ છીએ. અમારા ઘરથી દૂર એક ઘર લોસ એન્જેલસમાં છે અને ત્યાં સિક્રેટ ગાર્ડન પણ છે. મને ખબર છે કે, મારી મોમએ મારી પાસેથી આ જ અપેક્ષા રાખી હોત. મિસ યુ મોમ. હેપ્પી મધર્સ ડે.
ડેનિયલ વેબરે પણ ઈન્સ્ટાગ્રામ પર એક તસવીર શેર કરી છે જેમાં તે પોતાના ગાર્ડનમાં આરામ કરતો જોવા મળે છે અને તેણે કેપ્શન આપ્યું- ગેટિંગ બેટર વિથ ધ ન્યૂ વાઈબ્સ. તેણે જણાવ્યું કે, તે ગવર્મેન્ટ ફ્લાઈટથી વિદેશ પહોંચ્યા છે. ફેન્સે પણ તેમના વાપસીની ખુશી જાહેર કરી છે.
તમને જણાવી દઈએ કે, આ પહેલાં સની લિયોન પતિ અને ડેનિયલ અને બાળકો સાથે મુંબઈ સ્થિત તેના ઘરમાં જ રહેતી હતી. આ દરમિયાન તે ઘરના કામ પણ કરતી હતી અને ટિકટોક વીડિયો બનાવીને લોકડાઉનમાં ફેન્સનું મનોરંજન પણ કરતી હતી.
ઉલ્લેખનીય છે કે, ગયા અઠવાડિયે અમેરિકા અને ભારતમાં એમ બંને દેશોના નાગરિકોને પોત-પોતાના દેશ પહોંચાડવા માટે સ્પેશિયલ ફ્લાઈટનું અરેન્જમેન્ટ કરવામાં આવ્યું હતું. આ તકનો લાભ લઈમે સની લિયોન પોતાના પરિવાર સાથે અમેરિકા જતી રહી.