એક્ટ્રેસ સની લિયોની ઉપર લાગ્યો લાખો રૂપિયાની છેતરપિંડીનો આરોપ. કેરળ ક્રાઈમ બ્રાન્ચે કલાકો સુધી કરી તેની પૂછપરછ.
એક્ટ્રેસ સની લિયોની મુશ્કેલીમાં ફસાઈ
સની પર 29 લાખ રૂપિયાનો ફ્રોડનો ગંભીર આરોપ લાગ્યો છે.
ક્રાઇમ બ્રાંચે સનીથી પૂછપરછ કરી
એક્ટ્રેસ સની લિયોની મુશ્કેલીઓમાં ઘેરાતી જોવા મળી રહી છે. હાલમાં જ કેરળમાં તે પોતાના પરિવાર સાથે રજાઓ માણી રહેલી સની પર 29 લાખ રૂપિયાનો ફ્રોડનો એક ગંભીર આરોપ લાગ્યો છે. આ સંબંધમાં કેરળ ક્રાઈમ બ્રાન્ચે સની લિયોનીથી પૂછપરછ કરી છે. એવું કહેવામાં આવી રહ્યું છે કે સનીએ તપાસ એજન્સી સમક્ષ પોતાનો પક્ષ મૂક્યો છે અને પોતાને નિર્દોષ ગણાવી છે.
આ કેસ વિશે વાત કરતા પેરુમ્બવૂરના ઇવેન્ટના કોર્ડિનેટર આર. શિયાસે સની લિયોની પર આરોપ લગાવ્યો છે કે અભિનેત્રીએ વર્ષ 2016થી 12 ઇવેન્ટ્સ માટે 29 લાખ રૂપિયા લીધા છે પરંતુ તે કોઈપણ કાર્યક્રમમાં હાજર થઈ નહીં. પોતાના આરોપોની વિશ્વસનીયતા વધારવા માટે આર. શિયાસે તપાસ એજન્સી સામે તમામ પ્રકારના દસ્તાવેજો પણ રાખ્યા છે. તેમણે પૈસાની લેવડદેવડવાળા તમામ દસ્તાવેજો પણ પુરાવા તરીકે રજૂ કર્યા છે.
ક્રાઇમ બ્રાંચે સનીથી પૂછપરછ કરી હતી
હવે આ ફરિયાદ પર કાર્યવાહી કરતી વખતે જ્યારે કેરળ ક્રાઇમ બ્રાંચે સની લિયોનીને પૂછપરછ કરી ત્યારે એક અલગ જ કહાની સામે આવી છે. સનીએ કહ્યું છે કે તેણે પૈસા લીધા હતા, પરંતુ માત્ર 5 વાર. સાથે જ અભિનેત્રીએ એવું જણાવ્યું હતું કે કાર્યક્રમમાં ન જવું તેની ભૂલ નહોતી પરંતુ મેનેજમેન્ટે સતત આ ઈવેન્ટ્સને પોસ્ટપોન કરી હતી. સનીએ તો એમ પણ કહ્યું કે જો તે આ ઈવેન્ટ્સ અટેન્ડ કરવા માટે તૈયાર છે જો ફિક્સ ડેટ અગાઉથી જણાવી દેવામાં આવે. ત્યારે હવે સનીની આ દલીલો પર ફરિયાદી શું કહે છે તે જોવાનું રહ્યું.
તમને જણાવી દઈએ કે, સની લિયોની ગયા મહિને તેના પરિવાર સાથે રજા માણવા કેરળ પહોંચી હતી. તેણે એક ખાનગી ચેનલ સાથે શૂટિંગ પણ કર્યું હતું. આ કારણથી અભિનેત્રી પૂવર આઇલેન્ડના એક રિસોર્ટમાં રોકાઈ છે. તેની સાથે પતિ ડેનિયલ અને બાળકો નિશા, અસર અને નોઆહ પણ છે. તે 1 મહિના માટે અહીં રજાઓ માણવા આવી છે.