ટેલિવિઝન પર આવનારા રિયાલિટી શો ઈન્ડિયન આઈડલ 11નો ખિતાબ સની હિન્દુસ્તાનીએ જીતી લીધો છે. સંગીતના આ મહાસંગ્રામમાં ઘણાં પ્રતિભાશાળી ગાયકો વચ્ચે જોરદાર મુકાબલો જોવા મળ્યો હતો. વિજેતા સની હિન્દુસ્તાનીને ઇન્ડિયન આઇડલ 11ની ટ્રોફીની સાથે 25 લાખ રૂપિયાનું ઇનામ અને ટાટા અલ્ટ્રોઝ કાર પણ મળી. આ સાથે જ હિમેશની આગામી ફિલ્મમાં ગાવાનો ચાન્સ પણ મળશે. ઈન્ડિયન આઈડલમાં આવ્યા પહેલાં સનીનું જીવન ઘણાં સંઘર્ષોમાંથી પસાર થયું છે. સની એ દિવસોને ક્યારેય ભૂલશે નહીં.
સની હિન્દુસ્તાની બન્યો Indian Idol 11ના વિજેતા
સનીને ટ્રોફી સાથે 25 લાખ રૂપિયાનું ઇનામ મળ્યું
એક સમયે બૂટ પોલિશ કરીને ચલાવતો ગુજરાન
સની પંજાબના ભટિંડાનો રહેવાસી છે. શોમાં આવ્યા પહેલાં તે પરિવારનું ગુજરાન ચલાવવા બૂટ પોલિશ કરતો હતો અને તેની માતા ફુગ્ગા વેચતી હતી. એક ઈન્ટરવ્યૂમાં સનીએ જણાવ્યું કે, ઘણી વખત તો હાલત એટલી ખરાબ થઈ જતી હતી, કે બીજાના ત્યાં ચોખા માંગવા જવા પડતા હતા. આ જોઈને તેણે બહુ જ ખરાબ લાગતું હતું. તેણે નાની ઉંમરમાં જ ઘણાં ઉતાર-ચઢાવ જોયા છે.
ગરીબીમાં જીવન વિતાવનાર સનીના સૂર જોઈને જજિસ પણ સ્તબ્ધ થઈ ગયા હતા. સનીના અવાજના બધાં જ ફેન થઈ ગયા. માત્ર દર્શકો જ નહીં પણ શોના જજિસે પણ ઘણીવાર કહ્યું કે, સનીનો અવાજ સાંભળીને નુસરત ફતેહ અલી ખાનની યાદ આવે છે. સનીના બાળપણથી જ ખાવાનો શોખ હતો. સનીએ ક્યારેય સંગીત શીખ્યું નથી, તેણે ગીતો સાંભળીને જ સંગીત શીખ્યું હતું.
એક ઈન્ટરવ્યૂમાં તેણે જણાવ્યું હતું કે, તે ઘણો નાનો હતો ત્યારે તેણે પહેલીવાર નુસરત ફતેહ અલી ખાનનું ગીત 'વો હટા રહે હૈ પરદા' એક દરગાહ પર સાંભળ્યું હતું. એ ગીત સાંભળીને તે રડવા લાગ્યો હતો. બસ અહીંથી જ તેને સંગીતનો શોખ જાગ્યો અને પછી તે નુસરત ફતેહ અલી ખાનના અનેક ગીતો ગાયા હતા.
A post shared by sunny (@sunny_hindustaniofficial) on
તમને જણાવી દઈએ કે, આ શો દરમિયાન શંકર મહાદેવને તેને એક સોનેરી તક પણ આપી હતી. તેમણે સનીને કંગનાની ફિલ્મ પંગા માટે ગીત ગાવાનો ચાન્સ આપ્યો હતો. પછી સનીએ શંકર મહાદેવન સાથે ગીત ગાયું અને જેને જાવેદ અખ્તરે લખ્યું હતું.