IPLIN
 

ચૂંટણી / ધર્મેન્દ્રએ કહ્યું- સની દેઓલને ના લડવા દેત ચૂંટણી, જો મને ખબર હોત કે...

Team VTV 03:52 PM, 13 May 19 | Updated: 05:39 PM, 13 May 19
Follow us
Sunny Deol Sunil Jakhar contest lok sabha Gurdaspur Dharmendra

ગુરદાસપુરથી દીકરા સની દેઓલ માટે ચૂંટણી પ્રચાર માટે પહોંચેલા અભિનેતા ધર્મેન્દ્રએ એક નિવેદન આપતા રાજકીય વાતાવરણમાં થોડુ આશ્ચર્ય છવાયુ છે. સની દેઓલ ભાજપ તરફથી ગુરદાસપુરથી ચૂંટણી લડી રહ્યા છે. તેમની સામે કોંગ્રેસના ઉમેદવાર અને બલરામ ઝાખડના દિકારા સુનિલ ઝાખડ ઉમેદવાર છે.

ત્યારે ધર્મેન્દ્રએ કહ્યું કે, જો મને ખબર હોત કે ગુરદાસપુરથી અમારા દોસ્ત બલરામ ઝાખડના દીકરા સુનિલ ઝાખડ ચૂંટણી લડી રહ્યા છે તો હું કદાચ સની દેઓલને ત્યાંથી ચૂંટણી ના લડવા દેત. અમે ખુદ તેમના માટે ચૂંટણી પ્રચાર કર્યો છે.

વધુમાં તેમણે કહ્યું કે સુનિલ ઝાખડ મારા દીકરા સમાન છે. તેમના પિતા બલરામ સાથે મારો ગાઢ સંબંધ છે. તેઓ એક અનુભવી રાજકીય નેતા છે અને અમે માત્ર ફિલ્મ ઈન્ડસ્ટ્રીઝમાંથી આવીએ છીએ.

મહત્વનું છે કે સુનીલ ઝાખડ ગુરદાસપુરથી હાલના સાંસદ છે. અભિનેતાથી નેતા બનેલા વિનોદ ખન્નાના નિધન બાદ થયેલ પેટા ચૂંટણીમાં સુનીલ ઝાખડે વર્ષ 2017માં આ બેઠક જીતી હતી. આ બેઠક ભાજપનો ગઢ રહી છે. ખન્નાએ વર્ષ 1998માં આ બેઠકથી પહેલીવાર જીત મેળવી હતી.

સની દેઓલે કહ્યું હતું કે, મને બાલાકોટ હુમલો હોય કે પાકિસ્તાનની સાથે ભારતના સંબંધો જેવો મુદ્દા વિશે કોઇ વધુ જાણકારી નથી. હું લોકોની સેવા કરવા માટે અહીં છું. જો હું જીતીશ તો કદાચ ઇચ્છા હશે, અત્યારે નહીં.

Sunny Deol Sunil Jakhar Dharmendra gurdaspur
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ