અયોધ્યા ચુકાદો / 5 એકર જમીન લેવી કે નહીં સુન્ની વક્ફ બોર્ડની આ તારીખે યોજાશે બેઠક

• સુન્ની વક્ફ બોર્ડની યોજાશે બેઠક
• જમીન લેવી કે નહીં તેને લઇ ચર્ચા
• 26 નવેમ્બરે યોજાઇ શકે છે બેઠક

નોંધનીય છે કે, આ બેઠકમાં નિર્ણય લેવાઇ શકે છે કે સુપ્રીમ કોર્ટના નિર્દેશ અનુસાર 5 એકર જમીન લેવી કે નહીં. આ સુન્ની વક્ફ બોર્ડની બેઠક 13 નવેમ્બર યોજાવાની હતી પરંતુ હવે નિર્ણયને લઇ આ બેઠક 26 નવેમ્બરે યોજાય તેવી શક્યતા છે. ફારુકીએ કહ્યું કે જમીન લેવી કે નહીં તેને લઇને લોકોનો અલગ-અલગ મત છે.

સલમાન ખાનના પિતાએ કહ્યું- શાળા બનાવો 

સલીમ ખાને સુપ્રીમ કોર્ટના ચુકાદાનું સ્વાગત કર્યું છે. તેમણે કહ્યું કે હવે અયોધ્યા વિવાદને ખતમ થવા પર મુસ્લિમોને પ્રેમ અને ક્ષમા આ બે સદગુણોનું પાલન કરીને આગળ વધવું જોઇએ. પ્રેમ વ્યક્ત કરો અને માફ કરો. આ પ્રકારના મામલાઓમાં રિવાઇન્ડ અને રિકૈપ ન કરો... બસ આગળ વધો.

IANSએ આપેલ ઇન્ટરવ્યૂમાં સલીમ ખાને કહ્યું કે, અયોધ્યા મામલા પર ચુકાદો આવ્યા બાદ જે પ્રકારના લોકોએ શાંતિ અને સંપ બેસાડ્યો છે, તેઓ વખાણવા લાયક છે. આ વાતને સ્વીકાર કરો કે એક બહુ જૂના વિવાદનો ઉકેલ કરી લેવાયો છે. હું દિલથી આ ચુકાદાનું સ્વાગત કરું છું.

મોદીના વખાણમાં બોલ્યા સલીમ

તેમણે પ્રધાનમંત્રી નરેન્દ્ર મોદીના સમર્થનમાં પણ પોતાના વિચાર રજૂ કર્યા. સલીમે કહ્યું કે હું પીએમ મોદી સાથે સહમત છું, આપણે શાંતિની જરૂર છે. આપણે પોતાના લક્ષ્ય પર ફોકસ કરવા માટે શાંતિની જરૂર છે. આપણે ભવિષ્ય વિશે વિચારવું પડશે. આપણને આ વાતનો અહેસાસ થવો જોઇએ કે જો આપણી શિક્ષા સારી રીતે થશે તો આપણા ભવિષ્ય પણ સારૂ હશે. જોકે મુશ્કેલી એ છે કે તાલીમ (શિક્ષા)ના મામલે મુસ્લિમ બહુ સારા નથી. એટલા માટે કહીશું કે અયોધ્યા મામલાના ધ એન્ડ અને હવે એક નવી શરૂઆત થશે.

5 એકર જમીન આપવાનો સુપ્રીમ કોર્ટે આપ્યો આદેશ

તમને જણાવી દઈએ કે રામ જન્મભૂમિ બાબરી મસ્જિદ વિવાદમાં સુપ્રીમ કોર્ટે શનિવારે એક ઐતિહાસિક નિર્ણય આપ્યો હતો, જેમાં સરકારને વિવાદિત સ્થળે મંદિર નિર્માણ માટે ટ્રસ્ટ બનાવવાનો નિર્દેશ આપ્યો હતો અને મુસ્લિમોને અયોધ્યામાં જ એક અગ્રણી સ્થળે મસ્જિદ બનાવવા માટે 5 એકર જમીન આપવા જણાવ્યું હતું. આપવામાં આવ્યા હતા આ મામલામાં સુન્ની સેન્ટ્રલ વક્ફ બોર્ડ મુખ્ય પક્ષ હતો.