અયોધ્યા / બાબરી મસ્જિદ માટે સુન્ની વકફ બોર્ડ પણ ટ્રસ્ટનું કરશે ગઠન, આ હશે નામ...

• રામ મંદિર નિર્માણ માટે ટ્રસ્ટની જાહેરાત કરી દેવામાં આવી
• સુન્ની વકફ બોર્ડે પણ બાબરી મસ્જિદ નિર્માણ માટે ટ્રસ્ટ બનાવશે
• ટ્રસ્ટનું નામ 'ઇંડો ઇસ્લામિક કલ્ચર ટ્રસ્ટ' હશે

'ઇંડો ઇસ્લામિક કલ્ચર ટ્રસ્ટ' દ્વારા 5 એકર જમીન પર હોસ્પિટલ, વિદ્યાલય, ઇસ્લામિક કલ્ચર એક્ટિવિટિને પ્રોત્સાહિત કરનાર ઇન્સ્ટિટયૂટ, લાયબ્રેરી, પબ્લિક યૂટિલિટિ ઇન્ફ્રાસ્ટ્રકચર બનાવવા તેમજ બીજી રીતે સામાજિક ગતિવિધિઓને વધારવાનું કામ કરવામાં આવશે. આ ટ્રસ્ટમાં ભારત અને ભારતની બહાર પણ ઇસ્લામિક કલ્ચરને પ્રોત્સાહિત કરવાના કાર્યક્રમો કરવામાં આવશે. 
 

આ ટ્રસ્ટ દ્વારા સુન્ની વકફ બોર્ડ ભારતમાં બંને સમુદાય વચ્ચે સંપ બનાવાને લઇને કાર્યક્રમ પણ ચલાવામાં આવશે. સુન્ની વકફ બોર્ડે આ ટ્રસ્ટની સંપૂર્ણ રૂપરેખા તૈયાર કરી લીધી છે અને તેનું રજીસ્ટ્રેશન પણ કરવામાં આવશે.

આવનારા દિવસોમાં સરકાર તરફથી 5 એકર જમીન મળ્યા પછી કામ શરૂ કરવામાં આવશે. આવનારી 24 ફેબ્રુઆરીના રોજ બેઠક કરી રૂપરેખા તૈયાર કરવામાં આવશે. આ બેઠક પહેલા ટ્રસ્ટનું ગઠન કરવામાં આવશે. સુન્ની વકફ બોર્ડનો અધ્યક્ષ જ આ ટ્રસ્ટનો અધ્યક્ષ હશે. હાલમાં સુન્ની વકફ બોર્ડના અધ્યક્ષ તરીકે જુફર ફારૂખી છે.