એકતા / અયોધ્યા રામમંદિર શિલાન્યાસમાં જોવા મળશે એવો અનોખો કોમી એખલાસ કે સૌ કહેશે હિંદુ મુસ્લિમ ભાઈ ભાઈ!

કોર્ટમાં કેસ લડવા પણ આ હિંદુ મુસ્લિમ મિત્રો સાથે જ જતા

નોંધનીય છે કે ઇકબાલ અન્સારીના પિતા હાતિમ અન્સારી ફક્ત બાબરી મસ્જિદના મુખ્ય પક્ષકાર જ નહીં પણ રામમંદિર આંદોલનના આગળ પડતા નેતા રામચંદ્ર પરમહંસના નજીકના દોસ્ત પણ છે. તેમના બંને વચ્ચે એટલી ગાઢ મિત્રતા છે કે તેઓ કોર્ટમાં આ મુદ્દાનો કેસ લડવા પણ સાથે જતા હતા. 

સુન્ની સેન્ટ્રલ વક્ફ બોર્ડના અધ્યક્ષ પણ સામેલ થઇ શકે છે

આ તરફ સુન્ની સેન્ટ્રલ વક્ફ બોર્ડ તો મસ્જિદના પક્ષમાં શરૂઆતથી જ હતા અને રામમંદિરના વિરુદ્ધમાં કેસ લડી રહ્યા હતા. આમ છતાં સુન્ની સેન્ટ્રલ વક્ફ બોર્ડના અધ્યક્ષ જફર ફારુખીને રામમંદિરના ભૂમિ પૂજનના અતિથિઓની યાદીમાં સામેલ કરવામાં આવ્યા છે. 

મહોમ્મદ શરીફને પણ નિમંત્રણ મોકલવામાં આવ્યું 

આ ઉપરાંત અયોધ્યાના સમાજસેવક અને અજાણી લાશોના મસીહા કહેવાતા મહોમ્મદ શરીફ ખિડકી અલી બેગમાં રહે છે. તેમને કેન્દ્ર સરકારે 2020માં પદ્મ શ્રીથી સન્માનિત કરવામાં આવ્યા છે. મહોમ્મદ શરીફ અત્યાર સુધી 5000થી વધુ અજાણી લાશોના અંતિમ સંસ્કાર કરી ચુક્યા છે. 

આ ઉપરાંત સૂત્રો તરફથી મળતી માહિતી પ્રમાણે શ્રીરામ જન્મભૂમિ મંદિરના ભૂમિ પૂજનમાં તમામ ધર્મો, પંથો, સંપ્રદાયો, સનાતન ધર્મના શંકરાચાર્ય ઉપરાંત સૂફી સંપ્રદાયના પ્રમુખોને પણ આમંત્રિત કરવામાં આવ્યા છે. આ યાદીમાં ઇસાઈ, જૈન, મુસ્લિમ, બૌદ્ધ જેવા ધર્મના પ્રતિનિધિઓને આમંત્રિત કરવામાં આવ્યા છે. આ તમામને ફોન કરીને નિમંત્રણ આપવામાં આવ્યું હતું.