સુરતમાં આરોગ્યમંત્રી કુમાર કાનાણીના દીકરા પ્રકાશ કાનાણીને કરફ્યુમાં રાતે સાડા દસ વાગ્યે મિત્રની મદદે જવું ભારે પડી ગયુ છે. ત્યારે સિંઘમ તરી ઉભરી આવેલ સુનિતા યાદવ વિશે પણ જાત ભાતના આક્ષેપો અને નવા નવા વીડિયો સામે આવી રહ્યા છે ત્યારેે આ મુદ્દે હવે રાજકિય ખીચડી રંધાઈ રહી હોવાની સંભાવના પણ આ વીડિયો દ્વારા સામે આવી છે.
સુરતની LR સુનિતા યાદવના વિવાદિત ફોટો સામે આવ્યા
AAPના કાર્યકર સાથેના વીડિયો અને ફોટો આવ્યા સામે
AAP કાર્યકર ઘનશ્યામ અણઘણ સાથેના ફોટો આવ્યા સામે
સુરતની LR સુનિતા યાદવના વિવાદિત ફોટો સામે આવ્યાં છે. AAPના કાર્યકર સાથેના વીડિયો અને ફોટો સામે આવ્યાં છે. AAP કાર્યકર ઘનશ્યામ અણઘણ સાથેના ફોટો સામે આવ્યા છે. સુનિતા યાદવના AAP કાર્યકર સાથેના ફોટોથી અનેક તર્ક-વિતર્ક થઇ રહ્યાં છે. સુનિતાની સિંઘમગીરી પાછળ રાજકીય તારની શક્યતા છે. અને ફોટો પડાવતી વખતે સોશિયલ ડિસ્ટન્સિંગનો અભાવ પણ જોવા મળ્યો છે.
સુનિતા યાદવે સોશિયલ મીડિયામાં મૂક્યો છે વીડિયો
સુનિતા યાદવ સોશિયલ મીડિયા પર સામે આવ્યા છે. કહ્યું કે હું પોલીસ કોન્સ્ટેબલ નથી, LR રેન્ક પર છુ. હું મારા સ્થાને સાચી છુ. તબિયત સારી નથી એટલે મીડિયા સામે આવી નથી. હું મારા ડિપાર્ટમેન્ટ સાથે બંધાયેલી છુ.
મને જાનથી મારી નાંખવાની ધમકીઓ મળે છે.
હું આગામી સમયમાં મીડિયા સામે જરૂર આવીશ. હું કેટલીક બાબતો દબાણવસ કહી શકતી નથી. મેં રાજીનામા અંગે માત્ર ટેલિફોનિક વાત કરી છે. મને ન્યાય નહીં મળે તો હું મીડિયા સમક્ષ જઈશ. ઓફિસિયલી પ્રોસેસ બાદ મીડિયા સામે આવીશ. જે વીડિયો સામે આવ્યો છે તે માત્ર ઘટનાક્રમનો અંત છે. આખો વીડિયો સામે આવ્યો નથી. ટ્વિટર પર મારા નામે જે અકાઉન્ટ છે તે બોગસ છે.
મને જાનથી મારી નાખવાની ધમકીઓ મળે છે. મારા પર રાજનૈતિક દબાણનો ઉપયોગ થઈ રહ્યો છે. ડિપાર્ટમેન્ટમાં ઘણી છોકરીઓ સિનિયરોથી દબાયેલી છે. મને નથી ખબર કે હું કાલે જીવતી રહીશ કે નહીં. મેં કારમાં પોલીસનુ બોર્ડ લગાવ્યું તે બદલ માફી માગુ છુ.
શું છે મામલો?
વાત જાણે એમ છે કે, ગુજરાતના આરોગ્ય મંત્રી કુમાર કાનાણીનો દીકરો પ્રકાશ કાનાણી કરફ્યૂમાં પણ પિતા કુમાર કાનાણીની MLA લખેલી કાર લઈને નીકળ્યો હતો જેને પોલીસ બંદોબસ્તમાં તૈનાત સુનીતા યાદવે રોક્યો હતો અને ત્યાંથી બબાલ શરૂ થઈ હતી. પછી બંને પક્ષે એક બીજા પર આક્ષેપ પ્રતિ આક્ષેપ થઈ રહ્યા છે.
વાત જાણે એમ હતી કે, પ્રકાશ કાનાણીના મિત્ર કરફ્યુમાં બહાર નીકળ્યા હોવાને કારણે તેમને રોકવામાં આવ્યા હતા જેમને બચાવવા માટે ખુદ પ્રકાશ કાનાણી પહોંચ્યા અને તેમના પિતાની ગાડી લઈને પહોંચ્યા અહીં ખાખી અને ખાદી વચ્ચે ક્લેશ થયો અને આખી વાત બહાર આવી. પ્રકાશ કાનાણીની મદદે ખુદ મંત્રી કુમાર કાનાણી ઉતરી આવ્યા અને મહિલા પોલીસે આખરે પીછેહઠ કરવી પડી રહી હોય તેવો ઘાટ ઘડાયો ત્યારે આખે આજે સુનિતાએ ખુદ વીડિયો અપલોડ કર્યો હતો જો કે પછી તેમની વોલ પરથી આ વીડિયો ડિલિટ કરી દેવામાં આવ્યો હતો. પરંતુ સામાન્ય માણસો માટે અને વીઆઈપી માટે નિયમો અલગ અલગ હોય છે? એવો સવાલ ફરી એકવાર સળગ્યો છે.