Sunita Williams / અવકાશમાં ફસાયેલી સુનીતા વિલિયમ્સ ક્યારે પરત આવશે? NASAએ સ્થગિત કર્યું આગામી મિશન

Sunita Williams : NASAના અવકાશયાત્રી સુનિતા વિલિયમ્સ અને બૂચ વિલમોર છેલ્લા બે મહિનાથી અવકાશમાં અટવાયેલા છે. બોઈંગ સ્ટારલાઈનર સ્પેસક્રાફ્ટમાં ટેકનિકલ ખામીને કારણે તે ઈન્ટરનેશનલ સ્પેસ સ્ટેશન (ISS) પરથી પરત ફરી શક્યા નથી. જેના કારણે NASAએ તેનું આગામી સ્પેસ મિશન મુલતવી રાખ્યું છે જેથી કરીને બોઈંગના કેપ્સ્યુલને ઈન્ટરનેશનલ સ્પેસ સ્ટેશન પર વધુ સમય મળી શકે.

સ્પેસએક્સે મંગળવારે કહ્યું કે, તેમણે સ્પેસએક્સની 4 પેસેન્જર ફ્લાઇટને આ મહિનાથી આવતા મહિના સુધી સ્થગિત કરી દીધી છે. એજન્સીએ કહ્યું કે, હવે તે 24 સપ્ટેમ્બરે ઉડાન ભરી શકશે. અધિકારીઓએ જણાવ્યું હતું કે, વિલંબથી જૂનમાં બોઇંગના સ્ટારલાઇનર કેપ્સ્યુલમાં હિલીયમ લીક અને થ્રસ્ટર નિષ્ફળતાની તપાસ કરવામાં વધુ સમય મળશે.

સ્ટારલાઇનરને શું થયું ?

આ મંગળવારે સ્ટારલાઇનરના મુસાફરો બૂચ વિલ્મોર અને સુનિતા વિલિયમ્સને અવકાશમાં ગયાને બે મહિના થયા છે. હવે NASA વિલ્મોર અને સુનિતાને પાછા લાવવા માટે અન્ય વિકલ્પો પર વિચાર કરી રહ્યું છે, જેમાં તેમને SpaceX કેપ્સ્યુલ દ્વારા પાછા લાવવાનો સમાવેશ થાય છે. NASA હાલમાં બોઈંગ કેપ્સ્યુલની તૈયારીઓનું મૂલ્યાંકન કરી રહ્યું છે અને સ્ટારલાઈનર પરત ફરવા માટે કોઈ તારીખ નક્કી કરવામાં આવી નથી. NASAના અધિકારીઓએ કહ્યું કે, આગામી પ્રેસ કોન્ફરન્સમાં વધુ માહિતી આપવામાં આવશે.

વધુ વાંચો : બાંગ્લાદેશમાં ફસાયેલા દૂતાવાસના 190 કર્મચારીઓ સ્વદેશ પરત ફર્યા, ઢાકાથી એર ઈન્ડિયાની ફ્લાઈટ દિલ્હી પહોંચી

આવો જાણીએ અવકાશયાત્રીઓ કેવી રીતે ફસાયા?

NASAના ભારતીય મૂળના અવકાશયાત્રી સુનિતા વિલિયમ્સ અને બેરી વિલમોર લગભગ બે મહિનાથી અવકાશમાં અટવાયેલા છે. નાસાના બંને અવકાશયાત્રીઓ તેમના બોઈંગ સ્ટારલાઈનર અવકાશયાનમાં ટેકનિકલ ખામીને કારણે બે મહિના પછી પણ ઈન્ટરનેશનલ સ્પેસ સ્ટેશન (ISS) પરથી પાછા ફરી શક્યા નથી. NASAના એક અધિકારીએ જણાવ્યું હતું કે, બોઇંગ સ્ટારલાઇનરમાં લોન્ચ થયા બાદ હિલીયમ લીક થયું હતું અને તેના કેટલાક થ્રસ્ટર્સને પણ નુકસાન થયું હતું. ખામી હોવા છતાં તે અવકાશયાત્રીઓને અવકાશમાં લઈ જાય છે. હાલમાં સ્ટારલાઈનર સ્પેસ સ્ટેશન સાથે જોડાયેલ છે. તેનું વળતર NASA માટે જરૂરી છે તો જ બીજું અવકાશયાન સ્પેસ સ્ટેશન સાથે જોડાઈ શકશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ