વિશ્વ / જ્યારે તમામ અંતરિક્ષ યાત્રીઓ સાથેનો સંપર્ક તૂટી ગયેલો, જાણો બ્લેકઆઉટની એ 10 મિનિટ

ભારતીય મૂળની અવકાશયાત્રી સુનિતા વિલિયમ્સને લઈને NASA અને SpaceX નું અવકાશયાન ડ્રેગન પૃથ્વી પર પહોંચી ગયું છે. બુચ વિલ્મોર અને બે અન્ય સાથી અવકાશયાત્રીઓ પણ તેમની સાથે પાછા ફર્યા છે. ઇન્ટરનેશનલ સ્પેસ સ્ટેશનથી ફ્લોરિડાના કિનારે સમુદ્રમાં લેન્ડિંગ કરવામાં 17 કલાકનો સમય લાગ્યો.

પરંતુ આ 17 કલાકમાં 10 મિનિટનો સમય એવો હતો, જયારે બધાના હૃદયના ધબકારા વધી ગયા હતા. અહીં એ 10 મિનિટ વિશે વાત થઈ રહી છે કે જ્યારે ડ્રેગન કેપ્સ્યુલનો પૃથ્વી પર મિશન કંટ્રોલ સાથેનો સંપર્ક સંપૂર્ણપણે તૂટી ગયો હતો. આને કોમ્યુનિકેશન બ્લેકઆઉટ કહેવામાં આવે છે. ચાલો જાણીએ કે આ કોમ્યુનિકેશન બ્લેકઆઉટ શું હોય છે અને શા માટે તેને સૌથી મહત્ત્વપૂર્ણ ક્ષણોમાંની એક માનવામાં આવે છે.

કોમ્યુનિકેશન બ્લેકઆઉટની એ 10 મિનિટ

જ્યારે કેપ્સ્યુલ પૃથ્વીના વાતાવરણમાં પ્રવેશ કરે છે, ત્યારે તેની ગતિ લગભગ 28000 કિમી પ્રતિ કલાકની હોય છે. જ્યારે કેપ્સ્યુલ આ ગતિએ પસાર થાય છે, ત્યારે વાતાવરણ સાથે તેનું ઘર્ષણ થાય છે અને ઘર્ષણને કારણે, કેપ્સ્યુલ 3500 ફેરનહીટ સુધી ગરમ થાય છે. આનો અર્થ એ થાય કે તાપમાન એટલું વધી જાય છે કે લોખંડ પણ પીગળી જાય છે. પરંતુ કેપ્સ્યુલમાં વપરાતી ખાસ ધાતુઓ કેપ્સ્યુલને ગરમીથી બચાવે છે. આ સૌથી મુશ્કેલ મિનિટોમાં, કેપ્સ્યુલની સિગ્નલ પણ તૂટી જાય છે. નાસાના મતે, આ સમય લગભગ સાત થી 10 મિનિટનો હતો. જયારે મિશન કંટ્રોલનું કેપ્સ્યુલ પર કોઈ નિયંત્રણ નથી હોતું.

આ પણ વાંચો: હવે કેમ છે સુનિતા વિલિયમ્સ? શું ભવિષ્યમાં તેને કોઇ સમસ્યાનો સામનો કરવો પડશે? મેળવો જાણકારી

આગના ગોળા જેવું દેખાતું હતું ડ્રેગન કેપ્સ્યુલ

આ દરમિયાન, જ્યારે કેપ્સ્યુલની અંદર બેઠેલા અવકાશયાત્રીઓ બહાર જોતા હશે, ત્યારે તેમને એવું લાગશે કે જાણે તેઓ આગના ગોળામાં બેઠા હોય. પરંતુ તેમને આ તાપમાનનો અનુભવ થતો નથી કારણ કે કેપ્સ્યુલના ઉપરના સ્તરમાં હીટ શિલ્ડ ટાઇલ્સ ફીટ કરેલી હોય છે જે તાપમાનને અંદર પ્રવેશવા દેતી નથી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ