માદરે વતન / દુબઈમાં 25 લાખની નોકરી છોડી આવી ગઈ ગામમાં, હવે કરવા જઈ રહી છે એવું કામ કે કરશો સલામ

• દુબઈથી 25 લાખનું પેકેજ છોડીને ગામમાં પરત આવી
• ગામમાં સરપંચની ચૂંટણી લડી રહી છે
• પતિ સાથે 13 વર્ષથી રહેતી હતી દુબઈ

36 વર્ષીય સુનીતા સંસ્કારી પુત્રવધૂ તરીકે આ કારણોસર ચર્ચા

રાજસ્થાનનાં સીકર જિલ્લાનું નાંગલ ગામ  અત્યારે  તેના સરપંચ તરીકે દાવેદારી કરનારા સુનીતાને કારણે ચર્ચામાં છે. 13 વર્ષથી દુબઈ પતિ સાથે સ્થાયી થયેલી 36 વર્ષીય સુનીતા સંસ્કારી પુત્રવધૂ તરીકે ખૂબ ચર્ચામાં છે.  કેમકે તે પોતાની 25 લાખ પેકેજની નોકરી છોડી વિદેશથી રાજસ્થાન પોતાનાં ઘરે પાછી આવી છે. 

25 લાખનાં પેકેજ પર નોકરી કરી રહી હતી

સુનીતા એક શિપિંગ કંપનીમાં 25 લાખનાં પેકેજ પર કામ કરી રહ્યાં હતાં પરંતુ હાલ તેઓ પતિ જોધાસિંહ શેખાવતની સાથે ગામ પરત ફરી અને સરપંચ ચૂંટણી લડી રહ્યાં છે. સુનીતાને  ગામના લોકોનો પણ સાથ મળી રહ્યો છે. સુનીતા પોતે પણ વેસ્ટર્ન ડ્રેસ છોડી માથા પર ઘૂંઘટ કાઢીને સંસ્કારી પુત્રવધૂ તરીકે ગામનાં વડીલો પાસે વોટનાં રૂપમાં આશીર્વાદ માંગી રહ્યી છે. 

પુત્રવધૂ સુનીતા કંવર ચૂંટણી લડી રહ્યાં છે

રાજસ્થાનમાં પંચાયતી રાજ ચૂંટણી 2020નાં બીજા ચરણનું મતદાન 22 જાન્યુઆરીએ શરુ થવા જઈ રહ્યું છે. રાજ્યની પંચાયત સમિતિઓની 2,333 ગ્રામ પંચાયતોમાં ચૂંટણી યોજાવા જઈ રહી છે. તેમાં શ્રીમાધોપુર પંચાયત સમિતિના નાંગલ ગામમાં ચૂંટણી યોજાશે. અહીં ગામની પુત્રવધૂ સુનીતા કંવર ચૂંટણી લડી રહ્યાં છે.

ગામમાં આ સમસ્યા હોવાથી તે ચૂંટણી લડી રહી છે

પોતાનાં ગામનાં વિકાસ માટે સુનીતા કંવર દુબઈની નોકરી છોડી. તોતીંગ પગાર છોડી માદરે વતન પાછા ફર્યાં છે. આ ગામની પ્રાથમિક જરુરિયાતમાં દીકરીઓનાં શિક્ષણ ઉપરાંત વીજળી, પાણી, રોજગાર અને સ્વાસ્થ્ય  છે. જે ગામને મળેતે માટે તેઓ વતન પાછા ફરી સરપંચ તરીકે દાવેદારી નોંધાવી છે. સુનીતા કહે છે કે વિદેશમાં રહેતા પોતાનાં દેશનાં લોકોને પ્રોસ્તાહીત કરવાની જરુર છે કેમ કે તેઓ વતન માટે ઘણું કરવા માંગતા હોય છે.