મુંબઇના અલ્ટામાઉંટ રોડ પર સ્થિત પૃથ્વી અપાર્ટમેન્ટની બિલ્ડીંગને સીલ કરી દેવામાં આવી છે. એક્ટર સુનીલ શેટ્ટીનું ઘર પણ આ જ બિલ્ડીંગમાં છે.
સુનીલ શેટ્ટીની બિલ્ડીંગ કરાઇ સીલ
એક્ટરનો પરિવાર મુંબઇથી બહાર
કોરોનાના વધતા કેસના કારણે લીધુ એક્શન
બિલ્ડીંગને સીલ કરવાના કારણમાં કહેવામાં આવ્યું છે કે તે બિલ્ડીંગમાં કોરોનાના કેસ વધારે છે. ફેન્સને જાણીને ખુશી થશે કે સુનીલ અને તેનો પરિવાર મુંબઇની બહાર છે.
10 મોટી જગ્યાઓને કરી સીલ
આ બિલ્ડીંગમાં 30 માળ અને 120 ફ્લેટ્સ છે. મુંબઇના ડી વૉર્ડના આસિસ્ટન્ટ કમિશ્નર પ્રશાંત ગાયકવાડે કહ્યું કે, આ બિલ્ડીંગને સીલ કરી દેવામાં આવી છે. મુંબઇના ડી વૉર્ડની અન્ય 10 જગ્યાને પણ સીલ કરી દેવામાં આવી છે. તેમાં માલાબાર હિલ્સ અને પેડર રોડ પણ સામેલ છે. કોરોનાની બીજી લહેરમાં હાઇ રાઇઝ જગ્યાઓથી 80 ટકા કેસ સામે આવ્યા હતા.
મુંબઇથી બહાર સુનીલ શેટ્ટી
સુનીલ શેટ્ટી અને તેનો પરિવાર મુંબઇથી બહાર છે. એક્ટરનો પરિવાર લાંબા સમયથી પૃથ્વી અપાર્ટમેન્ટમાં રહી રહ્યાં છે અને તે સિવાય અન્ય 25 પરિવાર આ બિલ્ડીંગમાં રહે છે. આ બિલ્ડીંગમાંથી જેટલા કેસ સામે આવ્યા છે તેમને સીધા હોસ્પિટલમાં લઇ જવામાં આવ્યા છે.
કોરોનાના કેસ વધે નહી તેના કારણે બિલ્ડીંગના કેટલાક ફ્લોરને સીલ કરી દેવામાં આવ્યા છે. મુંબઇમાં ફરી એકવાર કોરોનાના કેસ વધી રહ્યાં છે. થોડા સમય પહેલા જ મુંબઇમાં કોરોનાના કેસમાં ઘટાડો નોંધાયો હતો. મહારાષ્ટ્ર અને કેરળ બે જગ્યા એવી છે જ્યાં કોરોનાના સૌથી વધુ કેસ નોંધાયા છે.