મહારાષ્ટ્ર / સિક્યોરિટી હટાવાયા બાદ ઉદ્ધવ સરકાર ગાવસ્કર પાસેથી આ મિલકત પણ છીનવી શકે છે

• ફાળવવામાં આવેલ જમીનને લઈને નિયમો અને શરતો 1999, 2002 અને 2007માં સંશોધિત કરવામાં આવ્યા
• ઓથોરિટીએ રંગશારદા ઓડીટોરીયમ પાસે ક્રિકેટ એકડેમી માટે જમીન ફાળવી હતી
• ફાઉન્ડેશન દ્વારા કોઈ પણ નિર્માણ કાર્ય શરુ કરવામાં આવ્યું નથી

મિલિંદ અનુસાર એકેડેમી માટે 31 વર્ષ પહેલાં જમીન ફાળવવામાં આવી હતી છતાં આજ દિન સુધી કોઈ પણ નિર્માણ કાર્ય થયું નથી. જે બાદ હવે અમે તે જમીન પછી લેવા માટે સરકારને પ્રસ્તાવ આપ્યો છે. આધિકારિક માહિતીઓ અનુસાર સુનીલ ગાવસ્કરને મહારાષ્ટ્ર હાઉસિંગ એન્ડ એરિયા ઓથોરિટીએ રંગશારદા ઓડીટોરીયમ પાસે ક્રિકેટ એકડેમી માટે જમીન ફાળવી હતી. ફાળવવામાં આવેલ જમીનને લઈને નિયમો અને શરતો 1999, 2002 અને 2007માં સંશોધિત કરવામાં આવ્યા. પરંતુ આ ફાઉન્ડેશન દ્વારા કોઈ પણ નિર્માણ કાર્ય શરુ કરવામાં આવ્યું નથી. 

24 ડિસેમ્બરનાં રોજ સુનીલ ગાવસ્કરે મહારાષ્ટ્રનાં મુખ્યમંત્રી સાથે મુલાકાત કરી

मुख्यमंत्री मा. श्री. उद्धव साहेब ठाकरे यांची आज महान क्रिकेटपटू, लिट्ल मास्टर सुनील गावस्कर जी यांनी मातोश्री निवासस्थानी सदिच्छा भेट घेतली.

CM Uddhav Balasaheb Thackeray met with ace Cricketer, Little Master Sunil Gavaskar ji at Matoshree, today. pic.twitter.com/LaDcHPR2wt

— Office of Uddhav Thackeray (@OfficeofUT) December 24, 2019

નોંધનીય છે કે 24 ડિસેમ્બરનાં રોજ સુનીલ ગાવસ્કરે મહારાષ્ટ્રનાં મુખ્યમંત્રી સાથે મુલાકાત કરી હતી. જોકે માતોશ્રીમાં થયેલ આ મુલાકાતમાં કયા વિષય પર ચર્ચા કરવામાં આવી છે તેના પર કોઈ જાણકારી આપવામાં આવી નથી. નોંધનીય છે કે શરતો અનુસાર સુનીલ ગાવસ્કર ક્રિકેટ ફાઉન્ડેશન ટ્રસ્ટને જમીન ફાળવવામાં આવે તે બાદ ત્રણ મહિનાની અંદર જ નિર્માણ કાર્ય શરુ કરવાનું હતું અને ત્રણ જ વર્ષમાં કાર્ય પૂર્ણ કરવાનું હતું. ઘણી વખત સમય સીમા વધારવામાં આવી છતાં આ ટ્રસ્ટ નિર્માણ કાર્યમાં નકામું રહ્યું. એગ્રીમેન્ટની શરતો અનુસાર સરકારે આ જમીન 60 વર્ષ માટે લીઝ પર આપી હતી. આ જમીન પર ટ્રસ્ટને બીન લાભકારી આધાર પર એકડેમી ચલાવવાની હતી. 

 ઝીમ્બાબ્વે ક્રિકેટ ટીમના હેડ કોચ લાલચંદ રાજપૂતે પણ ક્રિકેટ ટ્રેનીંગ એકેડેમી બનાવવા માટે જમીન મેળવવા માટે અરજી કરી 

વર્ષ 2011માં દબાણની ફરિયાદો બાદ મહારાષ્ટ્ર હાઉસિંગ બોર્ડ એન્ડ એરિયા ડેવલપમેન્ટ ઓથોરિટી દ્વારા સુનીલ ગાવસ્કર ક્રિકેટ ફાઉન્ડેશન ટ્રસ્ટ વિરુદ્ધ કાર્યવાહી શરુ કરી દેવામાં આવી હતી. ત્યાં બીજી તરફ અધિકારીઓએ પુષ્ટિ કરી છે કે ટીમ ઈન્ડિયાનાં પૂર્વ મેનેજર અને વર્તમાન ઝીમ્બાબ્વે ક્રિકેટ ટીમના હેડ કોચ લાલચંદ રાજપૂતે પણ ક્રિકેટ ટ્રેનીંગ એકેડેમી બનાવવા માટે જમીન મેળવવા માટે અરજી કરી છે.