ક્રિકેટ / લોકો કંઇપણ બોલી શકે છે: હાર્દિક પંડયા સાથે તુલના પર રવિ શાસ્ત્રીની પ્રતિક્રિયાએ ફેન્સને વિચારતા કરી દીધા

• ગાવાસ્કરે કરી હાર્દિક પંડયાની રવિ શાસ્ત્રી સાથે સરખામણી 
• રવિ શાસ્ત્રીએ કહ્યું તેઓ જે ઈચ્છે કહી શકે છે
• IPL 2022માં હાર્દિક પંડયાએ કરી શાનદાર વાપસી 

ગાવાસ્કરે કરી હાર્દિક પંડયાની રવિ શાસ્ત્રી સાથે સરખામણી 

IPL 2022માં શાનદાર વાપસી કર્યા બાદ હાર્દિક પંડયા શાનદાર લયમાં છે અને પોતાની કરિયરના સૌથી શાનદાર પડાવમાંથી પસાર થઈ રહ્યા છે. આઈપીએલમાં પોતાની ટીમને ચેમ્પિયન બનાવ્યા બાદ હાર્દિક જે કોઈપણ વસતુને હાથ લગાવી રહ્યા છે, તે સોનું બની જાય છે. તેમણે ગત અમુક મહિનાઓમાં દેશ માટે પણ કમાલનું પ્રદર્શન કર્યું છે. તેમણે બોલ અને બેટ બંને સાથે દેશને મેચ જિતાડી છે. અમુક મેચોમાં બોલિંગ અને બેટિંગમાં સારા પ્રદર્શનથી માત્ર પોતાના દમ પર જ દેશને મેચ જિતાડી છે. 

હાર્દિક પંડયાએ કરી શાનદાર વાપસી 

પૂર્વ ભારતીય ક્રિકેટર સુનિલ ગાવાસ્કર પણ હાર્દિક પંડયાનાં હાલના ફોર્મથી પ્રભાવિત થયા છે. તેમણે એક ઇન્ટરવ્યૂમાં કહ્યું કે હાર્દિક ભારત માટે વિશ્વ કપ જીતવામાં મહત્વની ભૂમિકા નિભાવી શકે છે. આ સાથે જ તેમણે હાર્દિકની તુલના રવિ શાસ્ત્રી સાથે કરી. ગાવાસ્કરે કહ્યું કે હાર્દિક આ ટી20 વિશ્વ કપમાં એવું પ્રદર્શન કરી શકે છે, જેવુ રવિ શાસ્ત્રીએ 1985નાં વર્લ્ડકપમાં કર્યું હતું. 

રવિ શાસ્ત્રીએ 1985 વિશ્વકપમાં પાંચ મેચોમાં ત્રણ હાફ સેન્ચુરી ફટકારી હતી. તેમણે કુલ 182 રન બનાવ્યા હતા. આ સાથે જ તેમણે 8 વિકેટ પણ લીધી હતી. આ ટુર્નામેન્ટમાં ટીમ ઈન્ડિયાની કેપ્ટન્સી કરનાર સુનિલ ગાવાસ્કરે કહ્યું કે મને લાગે છે કે હાર્દિક આમ કરી શકે છે, જે રવિ શાસ્ત્રીએ 1985માં કર્યું હતું, જ્યાં રવિએ આખી ટુર્નામેન્ટમાં બેટ અને બોલ બંનેથી શાનદાર પ્રદર્શન કર્યું હતું.  અમુક સારા કેચ પણ પકડ્યા હતા. હાર્દિક પંડયા આમ કરવામાં સક્ષમ છે. 

Needed the best T20 all-rounder in the business to power India across the finish line - @hardikpandya7 🇮🇳🙌🏻 pic.twitter.com/78zXFF3Ctm

— Ravi Shastri (@RaviShastriOfc) August 29, 2022

તેઓ જે ઈચ્છે કહી શકે છે : રવિ શાસ્ત્રી

ગાવાસ્કરના આ નિવેદન પર શાસ્ત્રીએ કહ્યું કે મેં પહેલા ટ્વિટ કર્યું છે અને ઇન્સ્ટાગ્રામ પર પોસ્ટ કરી છે કે તેઓ ખેલના આ ફોર્મેટમાં એક નંબર ઓલરાઉન્ડર છે. તમારે હવે શું જોઈએ છે? મેં બે અઠવાડિયા પહેલા જ ટ્વિટ કર્યું હતું. આમાં જોડવા કે ઘટાડવા માટે શું છે? XYZ, તેઓ જે ઈચ્છે કહી શકે છે. દરેકને પોતાનો મત આપવાનો અધિકાર છે. મારો વિચાર સ્પષ્ટ છે, જે મેં અમુક અઠવાડિયા પહેલા જ ટ્વિટ કર્યું હતું.