દુઃખદ / પતંજલિના ડેરી પ્રોડક્ટના CEO સુનીલ બંસલનું નિધન, મોતનું કારણ કોરોના કે બીજી બિમારી તેની અટકળો શરૂ

• બાબ રામદેવના ડેરી બિઝનેસના CEO સુનીલ બંસલનું કોરોનાથી નિધન 
• કોરોના સંક્રમિત થવા પર હોસ્પિટલમાં હતા દાખલ 
• એલોપેથી પર નિવેદન આપ્યા બાદ વિવાદમાં છે બાબા 

 કોરોના સંક્રમણે પતંજલિને પણ પોતાની ઝપેટમાં લીધી છે. મીડિયા રિપોર્ટ અનુસાર પતંજલિના ડેરી બિઝનેસના સીઈઓ સુનીલ બંસલનું કોરોનાના કારણે નિધન થઈ ગયું છે. તે થોડા સમય પહેલા ખાંસી- શરદીથી પીડિત હતા. ગયા થોડા દિવસો તેમના ફેફસામાં ઈન્ફેક્શન વધુ હોવાના કારણે તેમની તબિયત વધારે બગડી ગઈ હતી. જેના કારણે તેમને હોસ્પિટલમાં દાખલ કરવામાં આવ્યા હતા. સારવાર સમયે તેમને બ્રેન હેમરેજ થયું અને 19મેના રોજ તેમનું નિધન થઈ ગયું. 

કોરોનાની સારવાર માટે દાખલ કર્યા બાદ થઈ ગયું હતું બ્રેન હેમરેજ 

સુનીલ બંસલના એક નજીકના વ્યક્તિએ જણાવ્યું કે તેમને પાછલા થોડા દિવસોથી વેન્ટિલેટર પર રાખવામાં આવ્યા હતા. પરંતુ તેમના હાલતમાં કોઈ સુધાર ન હતો. સારવાર સમયે તેમને બ્રેન હેમરેજ પણ થઈ ગયું હતું. ત્યાર બાદ તેમણે છેલ્લા શ્વાસ લીધા. મહત્વનું છે કે પતંજલી આયુર્વેદ સંસ્થામાં કોરોનાથી પહેલી મોત સુનીલ બંસલની થઈ હતી. જોકે તેની કોઈ પુષ્ટી હજુ સુધી નથી થઈ કે તેમનું મોત કોરોનાના કારણે થયું કે બીજા કોઈ કારણોસર. 

2018માં સુનીલે કાર્યભાર સંભાળ્યો હતો 

 સુનીલ બંસલે 2018માં પતંજલિ આયુર્વેદના ડેરી પ્રોડક્ટનો કાર્યભાર સંભાળ્યો હતો. આ તે સમય હતો જ્યારે પતંજલિ કંપનીએ ડેરી પ્રોડક્ટમાં પગ મુક્યો હતો. કંપની દૂધ, દહીં, છાંસ અને પનીર સહિત અન્ય ઉત્પાદનોને વેચવાની જાહેરાત કરી હતી. સૂત્રોના જણાવ્યા અનુસાર સુનીલ બંસલે સંસ્થાને ડેરી પ્રોડક્ટ તૈયાર કરવાની સલાહ આપી હતી. જ્યાર બાદ પતંજલિ આયુર્વેદ સંસ્થાને તેને લોન્ચ કરવાનો નિર્ણય કર્યો હતો.