બોલિવૂડ એક્ટર સુનીલ શેટ્ટી અત્યારે ફિલ્મી દુનિયાથી દૂર છે પરંતુ સોશિયલ મીડિયા પર તે સતત તેના ફેન્સ સાથે કનેક્ટેડ રહે છે. બોલિવૂડના ફિટનેસ ફ્રીક એક્ટર્સમાંથી એક સુનીલ શેટ્ટી તેની શાનદાર ફિટનેસને લઈને હમેશાં ચર્ચામાં રહે છે. સુનીલ શેટ્ટી તેની ફિટનેસને ખૂબ જ મહત્વ આપે છે. સુનીલ શેટ્ટીએ હાલમાં જ સોશિયલ મીડિયા પર એક વીડિયો શેર કર્યો છે. જેમાં તેઓ વર્કઆઉટ કરતા જોવા મળી રહ્યો છે. વીડિયોમાં સુનીલ શેટ્ટીની એનર્જી જોઈને તેની ઉંમરનો અંદાજો પણ ન લગાવી શકાય.
સુનીલ શેટ્ટીના આ વીડિયો પર હવે ઘણાં સેલેબ્સ કમેન્ટ કરી રહ્યાં છે અને પ્રતિક્રિયા આપી રહ્યાં છે. ડિરેક્ટર અનુભવ સિન્હાએ પણ સુનીલ શેટ્ટીના વીડિયો પર કમેન્ટ કરી છે. અનુભવ સિન્હાએ સુનીલ શેટ્ટીના વીડિયો પર કમેન્ટ કરતાં લખ્યું- ટેન્શન ન આપો અન્ના. સુનીલ શેટ્ટીનો આ વીડિયો સોશિયલ મીડિયા પર ખૂબ વાયરલ થઈ રહ્યો છે. જેમાં 58 વર્ષીય એક્ટર શર્ટલેસ થઈને એક્સરસાઈઝ કરતા જોવા મળી રહ્યો છે. વીડિયોમાં તેની બોડી પણ જોરદાર દેખાઈ રહી છે.
સુનીલ શેટ્ટીના વીડિયો પર અનુભવ સિન્હા સિવાય ટાઈગર શ્રોફ, અનિલ કપૂર સહિત અન્ય સેલેબ્સે પણ રિએક્ટ કર્યું છે. જ્યારે એક્ટરના ફેન્સ પણ આ વીડિયોમાં તેની મહેનત જોઈને તેના દિવાના થઈ ગયા છે. આ સાથે જ સુનીલે તેની ઘણી તસવીરો પણ શેર કરી છે. તમે જણાવી દઈએ કે સુનીલ શેટ્ટી તેની ફિટનેસને લઈને બોલિવૂડમાં ચર્ચામાં રહે છે. પોતાની શાનદાર બોડીથી તે લોકોનું ધ્યાન આકર્ષિત કરે છે. એક્ટર ઘણાં ફિટનેસ બ્રાન્ડથી પણ જોડાયેલો છે.