સુનીલ શેટ્ટી ઇન્ડિયન આઇડલ 13માં સ્પેશિયલ ગેસ્ટ તરીકે સામેલ થયો હતો, ત્યાં પિતાની વાત પર ભાવુક થયા એક્ટર કહી મનની વાત....
ઇન્ડિયન આઇડલ 13ના મંચ પર ગેસ્ટ તરીકે પહોંચ્યા સુનીલ શેટ્ટી
સુનીલ શેટ્ટી ઇન્ડિયન આઇડલ 13માં કહ્યુ કે, તેમના પિતા 9 વર્ષની ઉંમરમાં ક્લીનર હતા
એક્ટરે કહ્યું, કે ત્યારે પિતાનો હાથ પહોંચતો ન હતો તો ફરીફરીને સાફ કરતા હતા
બોલિવુડ એક્ટર સુનીલ શેટ્ટી ઇન્ડિયન આઇડલ 13ના મંચ પર ગેસ્ટ તરીકે આવ્યો હતો. ત્યાં એક્ટરે પોતાના પિતા અને તેમના સંગર્ષને યાદ કર્યો. તેના વિશે વાત કરતા એક્ટરે કહ્યુ કે, પિતા 9 વર્ષની નાની ઉંમરમાં ક્લિનરનું કામ કરતા હતા. મને મારા પિતા પર ગર્વ છે. તેમણે એમ પણ કહ્યુ કે પોતાની દીકરી આથિયાને ખૂબ જ પ્રેમ કરે છે અને તેના માટે જીવે છે. આ શો શનિવાર-રવિવાર રાત્રે 8 વાગે તમે જોઇ શકો છો.
દીકરી આથિયા માટે છલકાયો સુનીલનો પ્રેમ
સુનીલ શેટ્ટીને દેબોસ્મિતા કહે છે કે, તેમના પિતા તેની ગાઇકીને ખૂબ જ પસંદ કરે છે. આ સાંભળીને 61 વર્ષીય એક્ટર સુનીલ શેટ્ટી કહે છે, તમારુ અને તમારા પિતાનો સંબંધ જોઇને મને ખૂબ જ સારુ લાગી રહ્યુ છે, કારણ કે મારુ મારી દીકરી આથિયા સાથેનું રિલેશન આવુ જ છે. આટલો જ પ્રેમ છે, હું તો તેમના માટે જ જીવુ છું.
9વર્ષની નાની ઉંમરમાં ક્લીનર બોય હતા પિતા
સુનીલ શેટ્ટીએ કહ્યુ કે, આ રિલેશનશિપ હંમેશા એવુ જ રહેવુ જોઇએ. મારા પિતા સાથે મારુ રિલેશન પણ આવુ જ હતું. મને મારા પિતા પર ખૂબ જ ગર્વ છે કારણ કે 9 વર્ષની ઉંમરમાં મારા પિતા હોટલના ટેબલ સાફ કરતા હતા, તે ક્લીનર બોય હતા. તે નાના હતા તેથી તેમના હાથ આખા ટેબલ સાફ કરી શકતા ન હતા તેથી તે ફરીફરીને ટેબલ સાફ કરતા હતા. હું આજે પણ તેમને દરેક વાતમાં યાદ કરુ છું, તમે જે પણ છો તે ફક્ત તમારા માતા-પિતાના કારણે જ છો.
બોલિવુડમાં એક્શન હીરો હતો સુનીલ શેટ્ટી
સુનીલ શેટ્ટીનો જન્મ 11 ઓગષ્ટ 1961ના રોજ મેંગલોરમાં થયો હતો. તેણે 1992માં હિન્દી ફિલ્મોમાં ડેબ્યુ કર્યુ ત્યારે તેની ઉંમર 31 વર્ષ હતી. પહેલી ફિલ્મ દિવ્યા ભારતી સાથે બલવાનમાં જોવા મળ્યા હતા. ધીરે ધીરે સુનીલ શેટ્ટી એક્શન હીરો તરીકે લોકપ્રિય બન્યો. પોતાના કરિયરમાં સુનીલે એકથી એક શાનદાર ફિલ્મોમાં કામ કર્યુ છે.