નાના પરદા પરનો સૌથી લોકપ્રિય કોમેડી શો, તારક મહેતા કા ઉલ્ટા ચશ્મા ચર્ચામાં બન્યો રહે છે. તારક મહેતા...શૉએ હાલમાં જ 12 વર્ષ પૂરા કર્યા છે. 12 વર્ષ બાદ એક એવી ઘટના બની કે જેણે દર્શકોને પણ દંગ રાખી દીધા.
તારક મહેતા...માં મોટા બદલાવ
અંજલિ ભાભીએ આપ્યુ નિવેદન
જૂની અંજલિ સાથે સરખામણી પર તૌડ્યુ મૌન
શૉમાંથી રોશન સિંહ સોઢી અને અંજલિ ભાભીના જુના પાત્રોએ વિદાય લીધી અને નવા પાત્રોની એન્ટ્રી થઇ. શૉમાં અંજલિ બનીને સુનયના ફોજદારે એન્ટ્રી લીધી છે.
સુનયના ફોજદાર હવે તારક મહેતા કા ઉલ્ટા ચશ્મામાં તારકની પત્ની એટલે કે અંજલિ મહેતાનું કેરેક્ટર પ્લે કરતી જોવા મળે છે. ગોકુલધામ સોસાયટીના લોકો હવે નવી અંજલિને પણ સ્વિકારીને અંજલિ ભાભી બોલાવવા લાગ્યા છે. શૉમાં આવતા પહલે તેને ઘણા ઓડિશન ક્લિયર કરવા પડ્યા છે.
શૉમાં આવવાની દરેક પરિક્ષા પાસ કરીને પાસ કરીને હવે સુનયના ખુબ જ ખુશ છે. હાલમાં જ એક ઇન્ટરવ્યૂ દરમિયાન જ તેણે કહ્યું કે જુની અંજલિ એટલે કે નેહા મહેતાને રિપ્લેસ કરવી તેના માટે આસાન ન હતી.
સુનયના ફોજદારે વધુમાં કહ્યું કે, અમને જે પણ નામ મળે છે દર્શકો દ્વારા જ મળે છે. જેમાં પોઝીટીવ અને નેગેટીવ બંને ફીડબેક માટે હું તૈયાર છું. જૂની અંજલિ સાથે તેની તુલના થશે જ પરંતુ તેણે કહ્યું કે, તે અહીં કોઇની જગ્યા લેવા નહી પરંતુ પોતાની જગ્યા બનાવવા આવી છે.
સુનયનાએ કહ્યું કે નેગેટીવ ફીડબેક આપનાર લોકોથી કોઇ ફરિયાદ નથી, બસ મને પફોર્મ કરવાની તક મળવા દો. ભલે હું નેહા જેવી ન બની શકુ પરંતુ દર્શકોનુ મનોરંજન કરવામાં હું પાછી નહી પડું.