રાશિફળ / આવતીકાલે થશે કુંભ રાશિમાં સૂર્યનો પ્રવેશ, 1 મહિના સુધી 5 રાશિને આપશે ફાયદો

મેષ

સૂર્ય તમારી રાશિના 11માં ભાવમાં ગોચર કરશે. જેનાથી તમારી આવકના માર્ગ ખૂલશે અને તેમાં વધારો થશે. જો તમે કોઈ વ્યાપાર કરો છો તો તેમાં પણ લાભ થશે. શત્રુ તમારાથી દૂર રહેશે અને જે લોકો નોકરી બદલવાની ઈચ્છા રાખે છે તેમને સકારાત્મક લાભ થશે. તેમને કામયાબી પણ મળી શકે છે. વિદ્યાર્થીઓ માટે આ ગોચર લાભદાયી રહેશે. લવ લાઈફમાં તમને ખાટા મીઠા અનુભવ મળી શકે છે. 

મિથુન

સૂર્ય તમારી રાશિના નવમાં ભાવમાં ગોચર કરશે. આ સમયે તમારું સામાજિક સ્તર ઉંચું રહેશે. તમને ધન અને ધાન્યનો લાભ થશે. આ સાથે જ તમને દરેક કામમાં સફળતા મળશે. ગોચર સમયે તમારે પિતાના સ્વાસ્થ્ય પર ધ્યાન આપવાનું રહેશે. તમારી વાણીમાં મિઠાશ વધશે અને સાથે લોકો તમારા તરફ આર્કષાશે. પ્રેમ સંબંધમાં આ રાશિને લાભ મળશે. 

કન્યા

સૂર્ય તમારી રાશિના છઠ્ઠા ભાવમાં ગોચર કરે છે. આ સમયે કોર્ટ કચેરીના કેસમાં પણ સારા પરિણામ મળી શકે છે. તમારે તમારા ખર્ચ પર કાબૂ રાખવાનો રહેશે. તમે તમારા વિરોધીઓ પર વિજય મેળવી શકો છો. જે લોકો વિદેશ જવા ઈચ્છે છે તેઓએ પ્રયત્નો કરી લેવા. તેમને સફળતા મળી શકે છે. જે દંપતિ સંતાન સુખ ઈચ્છે છે તેમની ઈચ્છા પણ પૂરી થઈ શકે છે. 

ધન

સૂર્ય તમારી રાશિના ત્રીજા ભાવમાં ગોચર કરનારો છે. આ સમયે તમને અનેક શુભ પરિણામ મળશે. ભાગ્યનો સાથ મળશે અને ઈશ્વરના આર્શિવાદ પણ મળશે. તમારા સાહસ અને પરાક્રમમાં વધારો થશે. આ સમયે કરવામાં આવી રહેલી યાત્રા તમને લાભ આપશે. તમારા દામ્પત્ય જીવનમાં સુખ આવશે અને સાથે જીવનસાથીની સાથે તમે ભવિષ્યની યોજનાઓ બનાવી શકશો. યશ, કિર્તી અને આનંદની પ્રાપ્તિ થશે. 

મીન

સૂર્ય તમારી રાશિના 12મા ભાવમાં ગોચર રહેનારો છે. આ સમયે તમારા ખર્ચમાં વધારો થઈ શકે છે અને જો તમે વિદેશ જવા ઈચ્છો છો તો તમને સફળતા મળશે. નોકરીના કેસમાં કરવામાં આવેલા પ્રયત્નો સફળતા અપાવશે. તમારા વિરોધીઓ માટે સાવધાન રહેવાની જરૂર છે. ધાર્મિક સ્થળ અને ઈષ્ટ દેવના દર્શનથી મનોકામના પૂર્ણ થશે અને યાત્રા કરવાનું ટાળશો નહીં.