ગુજરાતમાં પેટ્રોલ બાદ સુરતમાં સુમુલ ડેરીએ દૂધના ભાવમાં પ્રતિ લિટરે 2 રૂપિયાનો કર્યો વધારો, સુમુલ ગોલ્ડ સહિતના દૂધના ભાવમાં વધારો
સુરત અને દક્ષિણ ગુજરાતના લોકોને ઝટકો
સુમુલ ડેરીએ દૂધના ભાવમાં કર્યો વધારો
દૂધના ભાવમાં 2 રૂપિયાનો વધારો કર્યો
સુરત અને દક્ષિણ ગુજરાતના લોકોને ઝટકો લાગ્યો છે. સુમુલ ડેરીએ દૂધના ભાવમાં પ્રતિ લિટરે 2 રૂપિયાનો વધારો કર્યો છે. સુમુલ ગોલ્ડ સહિતના દૂધના ભાવમાં વધારો કર્યો છે. સુમુલ ગોલ્ડનો 500 mlનો નવો ભાવ 30 રૂપિયા, સુમુલ તાજાનો 500 mlનો નવો ભાવ 23 રૂપિયા અને સુમુલ ગાય દૂધ 500 mlનો નવો ભાવ 24 રૂપિયા થયા છે.
આ અંગે સુમુલ ડેરીના ચેરમેન માનસિંહ પટેલે કહ્યું કે ટ્રાન્સપોર્ટેશન મોંઘુ થતા દૂધના ભાવો વધારવા પડ્યા છે. અને દૂધ એકત્રીકરણ અને પેકેજીંગ મોંઘુ થતા ભાવો વધાર્યા છે. સુરત શહેરની 65 લાખથી વધુ જનતાને સીધી અસર થશે. સુરતમાં દૈનિક 15 લાખ લીટર કરતા પણ વધુ દૂધનું વેચાણ કરવામાં આવે છે. તાપી અને સુરત જિલ્લામાં ભાવ વધારો લાગુ થશે. છેલ્લે ડિસેમ્બર 2019માં ભાવ વધારો કર્યો હતો.