સુમુલ ડેરીની ચૂંટણીનું પરિણામ જાહેર થઇ ગયું છે. 16 બેઠકો પર ચૂંટણી યોજાઇ હતી. 2 બિનહરિફ બેઠકો સાથે 16 બેઠકોના પરિણામ જાહેર થઇ ગયા છે. સહકાર પેનલ અને સત્તાધારી પેનલનો 8-8 બેઠક પર વિજય થયો છે.
સુરત સુમુલ ડેરીની ચૂંટણીનું પરિણામ જાહેર
2 બિનહરિફ સાથે 16 બેઠકોના પરિણામ જાહેર
16 બેઠકો પર યોજાઇ હતી ચૂંટણી
ઉલ્લેખનીય છે કે, ભાજપની બંન્ને પેનલોમાં ટાઇ થઇ છે. જેથી હવે પાર્ટી લેવલે મેન્ડેટ આપીને પ્રમુખ અને ઉપપ્રમુખ નક્કી કરવામાં આવશે. માંગરોળ બેઠક પર સત્તાધારી પક્ષના રાજુ પાઠકનો વિજય થયો છે. ચોર્યાસી બેઠક પર સત્તાધારી પેનલના સંદીપ દેસાઇ, કામરેજ બેઠક સહકાર પેનલ પરથી બળવંતભાઈ, બારડોલી બેઠક પરથી સત્તાધારી પેનલના અજિતભાઈ પટેલ વિજેતા થયા છે.
ઓલપાડ બેઠક પર સહકાર પેનલની જીત
આ સાથ જે ઓલપાડ બેઠક પર સહકાર પેનલના જયેશ પટેલ, વ્યારા બેઠક પર સરકાર પેનલના સિદ્ધાર્થ ચૌધરી, મહુવા બેઠક પર સહકાર પેનલના માનસિંગ પટેલની જીત થઇ છે. તેમજ વાલોડ બેઠક પર સહકાર પેનલના નરેશ પટેલ, માંડવી બેઠક પર સત્તાધારી પેનલના રેસાભાઈ ચૌધરી, નિઝર બેઠક પર સત્તાધારી પેનલ પરથી ભરત પટેલ, ડોલવણ બેઠક પર સહકાર પેનલથી શૈલેષભાઇ વિજેતા થયા છે.
ઉચ્છલ બેઠક પર સત્તાધારી પક્ષનો વિજય
જ્યારે ઉચ્છલ બેઠક પર સત્તાધારી પક્ષના સુનીલ ગામીત, કુકરમુંડા બેઠક પર સત્તાધારી પક્ષના સંજય સૂર્યવંશી અને સોનગઢ બેઠક પર સત્તાધારી પેનલના કાંતિ ગામીતનો વિજય થયો છે...