ઝાલાવાડમાં મહત્તમ તાપમાન ૪૨ ડિગ્રી એ આંબ્યુ, અમદાવાદમાં 3 દિવસ રહેશે યલો અલર્ટ, બપોરે આકાશમાંથી અગનવર્ષા થી પ્રજા ત્રાહિમામ
રાજ્યમાં આગામી 2 દિવસ હિટવેવની આગાહી
સૌરાષ્ટ્ર, કચ્છ, ઉત્તર-મધ્ય ગુજરાતમાં આગાહી
3 દિવસ બાદ 2 ડિગ્રી સુધી તાપમાન ઘટી શકે
રાજ્યમાં ગરમીનો પારો ફરી એકવાર ઉચકાઈ રહ્યો છે.મોટાભાગના શહેરોમાં તાપમાનનો પારો 42 ડિગ્રીએ પહોંચી ગયો છે.અમદાવાદ, વડોદરા, રાજકોટ, અને જુનાગઢ આ ચાર શહેરોમાં મહત્તમ તાપમાન 42 ડિગ્રી સુધી પહોંચી ગયું છે. તો આગામી બે દિવસ પણ હીટવેવ રહેવાની આગાહી કરવામાં આવી છે. હવામાન વિભાગે યલો અલર્ટ પણ જાહેર કર્યું છે.ગરમીથી બચવા લોકો ઠંડા પીણાનો પણ સહારો લઈ રહ્યા છે.ગરમીમાં વગર કામે બહાર ન નીકળવા હવામાન વિભાગે લોકોને સલાહ પણ આપી છે.
કયા શહેરમા કેટલું તાપમાન નોંધાયું?
અમદાવાદ 42 ડીગ્રી
વડોદરા 42 ડીગ્રી
રાજકોટ 42 ડીગ્રી
જૂનાગઢ 42 ડીગ્રી
સુરત 37 ડીગ્રી
કચ્છ 41 ડીગ્રી
ઈડર 41 ડીગ્રી
ભાવનગર 38 ડીગ્રી
રાજ્યમાં આગામી 2 દિવસ હિટવેવની આગાહી
આગામી 2 દિવસમાં ગુજરાતમાં હિટવેવની અસર રહેશે.હવામાન વિભાગના મતે ગુજરાતના કેટલાક વિસ્તારમાં હિટવેવની અસર રહેશે.સૌરાષ્ટ્રના કચ્છ, પોરબંદર, અમરેલી, ભાવનગર સહિતના સ્થળોએ હિટવેવની અસર રહી શકે છે. તો ઉત્તર ગુજરાત, મધ્ય ગુજરાતમાં પણ હિટવેવ રહેશે.બનાસકાંઠા, પાટણ, પંચમહાલ, ગાંધીનગર, વડોદરામાં હિટવેવની આગાહી કરવામાં આવી છે. 3 દિવસ બાદ બે ડિગ્રી તાપમાન ઘટે તેવી પણ શક્યતા છે.સિઝનનું અત્યાર સુધી 40 થી 42 ડિગ્રી જેટલું તાપમાન નોંધાયું છે.
સુરેન્દ્રનગરમાં લોકો ગરમીમાં શેકાયા
સુરેન્દ્રનગર જિલ્લામાં પણ ગરમીનો પારો 40 ડિગ્રીને પાર પહોચ્યો છે.અસહ્ય ગરમીના કારણે શહેરના રસ્તા સુમસામ જોવા મળી રહ્યા છે.જિલ્લામાં મહત્તમ તાપમાનની સાથે લઘુત્તમ તાપમાન પણ વધતા લોકોને સવારના સમયથી ગરમી અને ઉકળાટનો અનુભવ થઈ રહ્યો છે.
ગરમીમાં કામ વગર બહાર ન નીકળવા તંત્રની અપીલ
આથી સ્થાનિકો ગરમીમાં રાહત મેળવવા માટે ઠંડા પીણા જેવા કે શેરડીનો રસ, લીંબુ શરબત તેમજ લસ્સી અને આઈસ્ક્રીમનો સહારો લઈ રહ્યા છે.તો બીજી તરફ જિલ્લા આરોગ્ય અધિકારીએ પણ લોકોને ગરમીમાં બહાર ન નિકળવા અને સાવધાની વર્તવા માટે અપીલ કરી છે.