દેશભરમાં ગરમીનો માહોલ જામ્યો છે, આગ ઓકતી ગરમીને કારણે પ્રજા ત્રાહિમામ પોકારી ગયેલ છે તો વળી ગુજરાતના કેટલાક જિલ્લાઓમાં તાપમાન 45ને આંબી ગયું છે આ સમયે જાણીતા હવામાન નિષ્ણાંત અંબાલાલ પટેલે ગુજરાતના વરસાદને લઇને આગાહી કરી હતી.
અંબાલાલ પટેલે જણાવ્યું હતું કે, જુન 3થી 7 ગુજરાતના ભાગોમાં ગાજવીજ સાથે રોહિણી નક્ષત્રનો વરસાદ થશે તો તારીખ 7 પછી ઉ,ભારતમાં ગરમી વધવાની પણ આગાહી કરી હતી. ઉલ્લેખનીય છે કે, રાજસ્થાનના ચુરૂ પ્રદેશમાં ગઇકાલનું તાપામાન 48.9 ડિગ્રી નોંધાયું હતું. ત્યારે અંબાલાલ પટેલના મતે જુન 10 સુધીમાં દક્ષિણ ભારતમા કેરળના ભાગોમા અતિભારે વરસાદ પડી શકે છે.
હવામાન નિષ્ણાત અંબાલાલ પટેલેના જણાવ્યા મુજબ 8 જુન સુધીમાં કેરળમાં વરસાદ થશે તો દ,મહારાષ્ટ્રના ભાગો મુંબઇના ભાગોમાં ભારે વરસાદ થશે તો ગુજરાતના દરિયા કિનારે ભારે પવન ફુંકાય તેવી આગાહી કરવામાં આવી હતી.
ગુજરાતના વરસાદનો ઉલ્લેખ કરતા તેમણે જણાવ્યું હતું કે, જૂનના છેલ્લા સપ્તાહથી જુલાઇની શરૂઆતમાં દ.ગુજરાતના ડાંગ, વલસાડ ,આહવા અને અન્ય ભાગોમાં તેમજ સૌરાષ્ટ્રના દરિયાકિનારે પોરબંદર, જુનાગઢ, અમરેલી વગેરે ભાગોમાં ચોંમાસુ વરસાદ થાય તો જુલાઇના બીજા સપ્તાહથી ઉ. ગુજરાત,મધ્ય ગુજરાતના ભાગોમાં ચોમાસુ વરસાદ પડી શકે છે.