રાજ્યભરમાંથી મોટી સંખ્યામાં લોકો મહેસાણા વોટરપાર્કની કરી રહ્યા છે મુલાકાત, ન્હાવા માટે એક વ્યક્તિએ કરવો પડે છે 800 રૂપિયા ખર્ચ
ગરમી વધતા વોટરપાર્કમાં ઘસારો વધ્યો
મહેસાણા વોટરપાર્કમાં ઉમટ્યા લોકો
રાજ્યભરમાંથી આવી રહ્યા છે લોકો
રાજ્યભરમાં ગરમીથી લોકો ત્રાહિમામ પોકારી ઉઠ્યા છે.ઉનાળામાં ગરમીથી બચવા લોકો અવનવા રસ્તા અપનાવી રહ્યા છે. હાલમાં ગરમીનો પારો 40ને પાર કરી ગયો છે. એવામાં જ્યાં નજીકમાં નદીનાળા છે ત્યાં તો લોકો નદીમાં છબછબિયા કરી લે.પણ જ્યાં નદી નથી ત્યાં લોકો પાસે વૉટરપાર્ક સિવાય કોઇ વિકલ્પ બચતો નથી. ત્યારે મહેસાણા ઊંઝા હાઇવે ઉપર આવેલા વોટર પાર્કમાં 600 રૂપિયા ટીકીટ ખર્ચીને પણ લોકો પાણીમાં ધુબાકા મારવાનો આનંદ મેળવવા પહોંચી રહ્યા છે.
ગરમીથી બચવા વૉટરપાર્કનો સહારો
રાજ્યમાં પડી રહેલી કાળજાળ ગરમીથી બચવા લોકો અવનવા રસ્તા અપનાવી રહ્યા છે.કોઇ ઠંડા પીણાના સેવનથી તો કોઈ બપરના સમયે ઘરની બહાર નીકળવાનું ટાળીને ગરમી સામે રક્ષણ મેળવે છે.પણ કાળજાળ ગરમી વચ્ચે પાણીમાં ધૂબાકા મારવાની મજા જ કઈંક જુદી છે.૪૦ ડિગ્રી તાપમાન વચ્ચે ઠંડા શીતળ જળમાં ન્હાવું કોણે ના ગમે.પછી તે બાળક હોય કે મોટેરા સૌ કોઈ ગરમી વચ્ચે પાણી જોઈને પોતાની જાતને નથી રોકી શકતા.આવા જ દૃશ્યો હાલ મહેસાણા નજીક આવેલા વોટર પાર્કમાં જોવા મળી રહ્યા છે.મહેસાણા ના વૉટર પાર્ક ખાતે રાજ્યભર માંથી લોકો હાલ ગરમીમાં રાહત મેળવવા ઉમટી રહ્યા છે.છેક રાજકોટ થી પણ લોકો મહેસાણા ખાતે આવીને વૉટરપાર્કની રાઈડ અને દરિયાનો આનંદ લઈ રહ્યા છે.
800 રૂપિયા ખર્ચી નાખતા લોકો ખચકાતા નથી
મહેસાણા ના વૉટરપાર્કમાં એન્ટ્રી ફી 600 રૂપિયા અને ત્યારબાદ લોકર અને કોચ્યુમ પાછળ બીજા 200 રૂપિયા ખર્ચ કરવો પડે છે.આમ એક વ્યક્તિએ વૉટરપાર્કમાં આનંદ લેવા માટે 800 રૂપિયા સુધીનો ખર્ચ કરવો પડે છે.આમ છતાં લોકો ગરમી સામે રાહત મેળવવા 800 રૂપિયા ખર્ચ કરીને પણ રાહત મેળવવાનો પ્રયાસ કરી રહ્યા છે.તો વળી રાજસ્થાન તરફ જતા લોકો પણ ગરમી સહન ન થતા રોડ ઉપર આવતા વૉટરપાર્કમાં ઠંડા થવાનો આનંદ લઈ લે છે.