નિવેદન / 1984ના શિખ રમખાણને લઇને સુખબીરસિંહ બાદલનો પૂર્વ PM રાજીવ ગાંધી પર મોટો આરોપ

• શિરોમણી અકાલી દળના નેતા સુખબીરસિંહ બાદલનું નિવેદન
• રાજીવ ગાંધી પાસેથી ભારત રત્ન પરત લઈ લેવો જોઈએ
• પૂર્વ PM મનમોહનસિંહના નિવેદનથી એક વાતનો ખુલાસો થયો

શિરોમણી અકાલી દળના નેતા સુખબીર સિંહ બાદલનો આરોપ છે કે જે બેઠકમાં સેનાને ન મોકલવાનો નિર્ણય લેવામાં આવ્યો તેની અધ્યક્ષતા રાજીવ ગાંધી કરી રહ્યાં હતા. જો રાજીવ ગાંધીએ સેનાને મોકલવાની માગ પર ધ્યાન આપ્યું હોત તો 1984નો નરસંહાર ટળી શક્યો હતો. 

પૂર્વ પ્રધાનમંત્રી મનમોહન સિંહે બુધવારના રોજ  1984ના શિખોના રમખાણને લઇને મોટુ નિવેદન આપ્યું હતું. મનમોહન સિંહે કહ્યું હતું કે જે તે સમયે તત્કાલિન ગૃહમંત્રી નરસિંમ્હા રાવે ઇન્દ્ર કુમાર ગુજરાતની સલાહ માની લીધી હોત તો 1984ના શિખ રમખાણને ટાળી શકાયા હોત. 

શિરોમણી અકાલી દળના નેતા સુખબીરસિંહ બાદલે નિવેદન આપ્યું છે કે પૂર્વ પીએમ મનમોહનસિંહના નિવેદનથી એક વાતનો ખુલાસો થયો છે કે રાજીવ ગાંધીએ નરસંહાર રોકવાના પ્રયાસ કર્યા નહોતા. જેને લઇને બાદલે કહ્યું નરસંહાર રોકવાનો પ્રયાસ ન કરવા બદલ પૂર્વ પ્રધાનમંત્રી રાજીવ ગાંધીનો ભારત રત્ન પરત લેવો જોઇએ.